هونەر لەبازنەدا

هونەر لەبازنەدا

پڕۆژەی سفر  

ئاڤان عومەر

گفتوگۆیەک دەربارەی هونەری هاوچەرخ لە نێوان ئاڤان عمر، نەرمین مستەفا، ڕەهێڵ عبدولجەبار، سۆران رەفعەت، ڕێبین مەجید، زانا ڕەسوڵ.

 

لەم گفتوگۆیەدا کە (ۆرک شۆپی سێ قیاسەکەی ساڵی ٢٠٠٤) دەبێتە دەستپيکی قسەکردن لەگەڵیشیدا چەند بابەتيکی تر دەربارەی هونەری هاوچەرخ و کارکردن لە هونەری شێوەکاریدا لە کوردستانی باشوور، ئاماژەی پێ دەکرێت. هەندێک خاڵی سەرەکی گفتوگۆکە:

• چالاکیەک وەک دەستپيک کە کۆنسێپتی ۆرک شۆپەکە کە سێ پيوانەی دابوو بۆ کارکردن. بابەتی گفتوگۆکە کە گێڕانەوەی ڕابوردووە. جیاوازی وێناکردن و کات و گيڕانەوە وئەوەی هەبووە و کراوە نیشاندەدات.

• بەکار‌هێنانی ماتریاڵ و بابەتی چواردەوری تاك لە ناو هونەری شيوەکاریدا جیاوازیەکە لە نيوان سەردەمەکانی پێشوتر و شيوازەکانی کارکردن لە هونەری شێوەکاریدا.

• کارکردنی هونەرمەندان بە گروپ و گرنگە، ئەزموونکردنی شێوازی جیاواز لە شێوازە باوەکەی کارکردن لە کوردستان وای کرد چەند نەوە و ئاست و توانا و کەسانێکی جیاواز کۆبکاتەوە پێکەوە بە ئاسۆی بیربکەنەوەی  وەک یەک.

• لەبەر ئەوەی لە کوردستان مێژووی هونەری شێوەکاری خۆی گەشەی نەکردووە، هەمیشە لەگەڵ شێوازە هونەریەکانی خۆرئاوا و دەرەوەی خۆی، خۆی نوێ کردۆتەوە، هونەری شێوەکاری لەکوردستاندا کۆپیە.