شتێك له‌م كه‌ش و هه‌وایه‌دا گۆڕا

ئیسماعیل حه‌مه‌ئه‌مین
491

كه‌ئۆپۆزیسێۆن دروستبوو له‌كوردستاندا من یه‌كسه‌ر پشتگیریم كرد، له‌ڕووی ڕێكخراوه‌ییه‌وه‌ دوو هه‌ڵبژاردن له‌گه‌ڵیاندا بووم. وه‌ نه‌بێت چیرۆكی كاراكته‌ره‌كانیان كه‌له‌شاخ بوون نه‌زانم كێن و چیانكردووه‌، ته‌نانه‌ت كه‌له‌ ناو یه‌كێتیشدا ده‌سه‌ڵاتدار بوون و پله‌یان هه‌بووه‌! به‌هه‌مان شێوه‌ش ده‌زانم ده‌سه‌ڵاتی كوردی چییه‌، چاوێك بخشێنه‌ به‌گوتاره‌كانی پانزه‌ ساڵ له‌مه‌وبه‌رم له ڕۆژنامه‌ی ‌هاوڵاتی! ئه‌مه‌و زۆر پرسی سیاسی كه‌به‌شداری تێداده‌كه‌م چ خۆم به‌ڕێكخراوه‌یی یان ته‌نها نوسین ، هه‌مووی له‌یه‌ك بیركردنه‌وه‌ لای خۆم سه‌رچاوه‌ هه‌ڵده‌گرێت؛ به‌وه‌ی شتێك  له‌كه‌ش و هه‌وای كۆمه‌ڵگه‌دا ده‌گۆڕێت.

به‌مانای ئه‌م ڕووداوه‌ شتێك ده‌گۆڕێت كه‌چیتر گه‌ڕانه‌وه‌ بۆ دواوه‌ و بۆ باری پێش ئه‌و ڕووداوه‌ ئه‌سته‌مه‌ به‌رده‌وام بێت، به‌زۆریش به‌رده‌امی پێبدرێت تازه‌ ناتوانێت هه‌ناسه‌ بدات.

نمونه‌: ‌كه‌ ئۆپۆزیسێۆن (گۆڕان) دروستبوو تازه‌ كه‌ش و هه‌وای سیاسی بۆ ئه‌به‌د له‌جووتحزبی ڕزگاری بوو، ئۆپۆزیسۆن (گۆڕان) سه‌ركه‌توو بێت یان نا، تازه‌ ئه‌م گروپه‌ كۆمه‌ڵایه‌تیه‌، كه‌ش و هه‌واكه‌‌ی‌ گۆڕی، له‌م خاڵه‌وه‌ سیاسه‌ت، ده‌ستكاری،سایكۆلۆژیای كۆمه‌ڵگه‌كان ده‌كات

نمونه‌یه‌كی دیكه‌؛ كه ‌مه‌لاموسته‌فا بارزانی حوكمی زاتی ئازاری ١٩٧٠  ئیمزاكرد، كه‌ش و هه‌واكه‌‌ گۆڕا، ڕاسته‌ بارزانی باوك ‌ نه‌یتوانی شۆڕشه‌كه‌ به‌ئه‌نجام بگه‌یه‌نێت ، به‌ڵام تازه‌ ئێراق نه‌یده‌توانی بگه‌ڕێته‌وه‌ بۆ زه‌مه‌نی عه‌بدوسه‌لام عارف و به‌عسیه‌كانی ١٩٦٣. هه‌روه‌ها چیتر كوردستان نه‌گه‌ڕایه‌وه‌ بۆ دۆخی پێش ١٩٧٤  و نه‌وه‌یه‌كی نوێ شۆرشێكی نوێی دروستكرد.

ئاوه‌ها هه‌میشه‌ له‌پێچه‌ مێژوویه‌كاندا، له‌ڕووداوه‌ گرنگه‌كاندا ڕۆحێكی تازه‌ دێته‌ ناو ژیانی خه‌ڵكه‌وه‌…

لێره‌وه‌ ڕیفراندۆم  بۆ  سه‌ربه‌خۆیی ئامانجی خۆی پێكا، تازه‌ كورد له‌ناو كه‌ش و هه‌وای ئێراق له‌ڕووی ده‌روونییه‌وه‌ هاتۆته‌ ده‌رێ. تازه‌  هێلكه‌ ئێراقییه‌كه‌ی شكاند،   تازه‌ كورد چیتر ئێراقی نه‌ماوه‌ گه‌ر سیاسیه‌كانیش دووباره‌ سه‌وادا به‌م پرسه‌وه‌ بكه‌ن و ئه‌م دۆخه‌ هه‌ر  به‌رده‌وام ده‌بێت، تازه‌ كه‌شه‌كه‌ گۆڕا،  گرێیی خۆ به‌كه‌مزانینی  كورد له‌ده‌روونه‌كاندا مرد ،  دوژمنانی كورد باش ئه‌مه‌ ده‌زانن…تازه‌ كه‌ش و هه‌وایه‌كی نوێ دروستبوو، كه‌شێكی نوێ  بۆ ئه‌كته‌ری  سیاسی نوێ، كه‌چیتر سیاسه‌ت ناتوانێت ڕامی بكات،  تازه‌ كه‌ش و هه‌واكه‌ گۆڕا.

 

تایبه‌ت به‌كولتور مه‌گه‌زین

 

You might also like More from author

Comments are closed.