لە باسی سەفەر و گەڕانەوەدا

نه ژاد عزیز سورمێ – شیعر

كلێسته‌ ئۆرتیز؛ خود فۆتۆگرافی
297

 لە باسی سەفەر و گەڕانەوەدا

 نه ژاد عزیز سورمێ

 

(1)

سیدۆری !    

چرای خەراباتان

دەرگام لێ دامەخە

كلێسته‌ ئۆرتیز؛ خود فۆتۆگرافی

ئەوە منم

دەستم لە كوانوواندا گێڕاوە

پەرۆشیم بە كاڕكی ڕنیوە

تەنیا باڵ  ،

بەخشندە لە بەرامبەر ڕۆژپەڕدا

دڵڕوون لە ڕووی بای وادە ..

 

 

 

پیاڵەی بادەم بەنیوە نەكردبوو سیدۆری !

گۆزەم بەسەردا بەربوونەوە

ڕەنگی نەخشەكانیانم لە دڵدا توانەوە

كسپەی پەژموردەیی ، تەدارەكی ڕووخان بوون

پیاڵەی بادەم بەنیوە نەكردبوو

لە نەشئەی سپێدەیان كردم

نەیانهێشت گڕوگاڵی هەتاو

بەسەر ڕوومەتی چیایانەوە ببینم .

 

 

 

 

كلێسته‌ ئۆرتیز؛ خود فۆتۆگرافی

 

(2)

سیدۆری

دەرگام لێ دامەخە !

بووم بە ئەشقیای دارستانان

كولافە ، بەسۆز

چووم ڕەشەبام پۆشتەكرد

ڕووبارم ئاودان

بەڵام چ لەگەڵ جودایی ئازیزاندا دەكرێ سیدۆری !

وەك دەمبینی ڕەنجبەخەسار

بە لێڕەوار و هەڵەتاندا

دڵ بێ ئامان  ژێرداگەڕام

ئای سیدۆری

چرای خەراباتان

فرمێسكەكانم چیان لێ هات ؟

ئیتر چاوەڕوانی چی بم؟

دەرگام لێ دامەخە سیدۆری گیان!

 

 هەولێر – 2009

 

تایبه‌ت به‌ كولتور مه‌گه‌زین – بیروڕاكانی بابه‌ت و ڕێنوس خاڵبه‌ندی تایبه‌ته‌ به‌نوسه‌ر خۆی. كولتور مه‌گه‌زین. ته‌نها دانانی لینكی بابه‌ت ڕێگه‌پێدراوه‌. هه‌موو په‌ره‌گرافێك و پۆستكردنێك بێ دانانی لینك و ناوی نوسه‌ر و گۆڤاره‌كه‌ دژی یاسای كۆپی ڕایته‌ و لێپێچینه‌وه‌ی یاسایی له‌ دوایه‌. ‌

 

فۆتۆکان لە لایەن کولتور مەگەزینەوە دانراوە

  • خانمە فۆتۆگراف  “کلێستە ئۆرتێز“  بەناوبانگە بە فۆتۆگرافیکردنی لەشی خۆی لە ناو ڕاوم و فەزای تایبەتدا 

 

You might also like More from author

error: Content is protected !!