مۆدلیانی

نەژاد عزیز سورمێ – شیعر و گه‌له‌ری تابلۆكانی مۆدلیانی

مۆدلیانی؛ ١٨٨٤ له‌ئیتالیا له‌دایكبووه‌ و ١٩٢٠ له‌پاریس كوژراوه‌.
12 July 1884 – 24 January 1920)

ڕووبارەکانی دۆزەخ

لە ژووری گریانەوە دێن ..
شوێنەواری هیچ ڕێگایێ دیار نییە ؛
دارستان و بڵندایی
پیلیان تێک هەڵکێشاوە .
تۆ هەر بڵێ و بڵێرەوە !!
کەس بە نرخی باوەرێنیش ئاوڕی لێ ناداتەوە .
کێ ماسی لە ناو ئاو دەکڕێ ؟
تۆ هەر بڵێ !!
(لیڤۆڕنۆ) نوقمی کوێرایی دەریا بووە
دانی لە دەمامکەکانت گڕساندووە .

 

 

 

مۆدلیانی؛ ڕووتێكی پالكه‌وتوو – ١٩١٧ -١٩١٨ له‌ پێشانگای پاریس نمایسكراو وه‌ك حه‌یاچوون له‌قه‌ڵه‌مدرا- له‌ نۆڤمبه‌ری ٢٠١٥ به‌ حه‌فتا ملیۆن دۆلار فرۆشرا – مۆدلیانی به‌هه‌ژاری ژیا و له‌ ١٩٢٠ كه‌ده‌چوو بۆ پێشانگاكه‌ی جه‌رده‌ ڕووتان كرده‌وه‌ و كوشتیان.

(( ئای ئیتاڵیای خۆشەویستم ! ))
کەس نییە لە ڕەشە شەوی پاریس دا
چرایەکی بۆ هەڵبکا..
(جین) یش جۆگەی ڕووباری دۆزەخە
لە ژووری گریانی دانتی دەکاتەوە ..
هاوارێکی بێ هودەیە ..
تەمەننای مەرگی دووەمە .

 

 

(( ئای ئیتاڵیای خۆشەویست !))
مەرگ کەنارەکانیشی ڕەش کردەوە ..
باسکی مێژوویان باداوە
کەس نییە سەرەداوەکان گرێ داتەوە
ئیتاڵیای خۆشەویستم !

شوباتی/ 1989

 

 

تایبه‌ت به‌كولتور مه‌گه‌زین –
ڕێنوس و خاڵبه‌ندی تایبه‌ته‌ به‌ نوسه‌ر خۆی.

You might also like More from author

Comments are closed.