جان
زارۆكاتی بێریيا مە دكە
شەڤێ دەستێن مە ل ھەڤ گرێ دان
بەزاندین
ل دووڤ رۆنيا ھەيڤێ
ھوور باران شربكی ژ
پێنگاڤێن زارۆكان.
ل تارستانا ھێلما بايی،
ئاوازەكا ژبیرچوويی،
خەونەك و خەوەك،
بەر دەرگەھێ سوولاڤێن كەلھا بێدەنگيێ
بێريێن مە ھەژاندن.
زارۆكێن ھەستيار
سحار راكرن.
جەمبازن..
چیچكێن رۆژ و شەڤان لەيزاندن
خلماشيەكە زارۆكی
خوناڤەكە وەستيايی
برینا ھەلبەستەكێ،
خەونا بەری سپێدێ
خەوا خوە كۆلا
شەڤ..
ژ خەوەكا گران سنۆرێن خوە ھشيار كرن
قەبینا كەوان ل قونتارا وی چيايی
ئاڤ د سەقلانان دە مەياند.
جان ب گۆری
دل دبێری جان
ل بەرامبەری ھووربارانێ
لاشەكی بەھتی ژ كەسكا ڤێ دووريێ دم … ر
ڤەدەنگا دەنگێ تە
كەلھا بێريان
د ناڤا نھالێن ئێش و داخان دە ھەژيا
رۆندك باريان.
گرنژینا تخووبێن عەشقێ،
سەرەدانا ئێشەكە ڤەشارتی
د ناڤ چاڤێن من و تە دە دكن.
دبن گەشە ئاورەك
د رۆنيا دلێ تە دە.
تو شینەكی
زەلاليا ئاسیمانێ خەونا من دكەنینی.
شەڤ پەردا من و تەيە،
شەڤ شیڤا ئەڤینەكە قەدەغەيە.
جان
دۆر ڤەگەريا سەر كەلەخەكی دوورمايی
ئەز زڤریم و ئاخینۆكێن تە گۆتن ئالستن
ژ ھۆزینێن تە
كەلەك بەلاڤ بوو، درێژ بوو،
بوو پەنجەرە د ناڤ چراخا زینا تە دە.
ياری و زارۆك
سووندەكە ب گيانێ تە
و تبلەكە مشت گری ژ غەریبيا تە..
چاڤ پەراڤێن تە دخوینە.
ھەيڤێ دەستێ ستێران بەردا
سروودێ دەستێ ئاخێ بەردا
چاڤێن من ھەڤسارێ ئاوران بەردا
ھەلبەستا من دەست ژ پەيڤان شوشت
ئەندەكۆيان خاتر ژ بێھنێ بەردا
كەسەر سێڤێن بەرمايی د شوونوارێ
گولزارا من دە ڤەلۆراند
ئەز بوومە ئەبلیسەكا بەلەنگاز
د تاريا ڤێ بێھنڤەدانێ دە.
ئەز بوومە رازا تە
تو بوويی ژار
تو بوويی يار
ل ناڤ خلووخاڤيا جانەكە ل دوور كەتی، بێخوەدی
ئەز بووم لاشەك د دیرۆكا
خاپاندنا رۆژھەلات و رۆژئاڤا دە.
جان
دزانم شەڤ و رۆژ سلاڤەكە رۆژانەيە
ل ھەڤ دگەھینە
ل زیوەرێ ھەست و نەستان
گۆتووبێژی
كەن
ياری
كەڤالێ تە و منە
بلا جەژن
سەرسال و ڤالنتاین
سەر سھ وپێنج سالان ل ھەيینا ڤێ رۆژێ
خوە بچەمینن
د كێشێ نا ھێن سنگاندن
پۆشمان
بیرئانینێن خوە بزڤرینن
ژ نو بزانن
كا چاوا رۆژێن نۆرمال
جەژنا دگێرینن
كا چاوا تێلە
ئازاد خەمرەڤینن
ئێش ل دەنگێ بايی سوار دبە
رۆژێن من
بلا ببن گەلوازێ
گولێن ئەشقا تە
بلا ببن نێرینەك
ژ رەشبەلەكێن تە
بلا ئەز ببم تو و تو ببی ئەز
دەنگێ تلیليا ژ گەرماڤا ئاڤێ
درەقسە بووكا بارانێ
بووكا شاھەدارە ئەفسانەيە
راستيەكا بێگونەھ و درەوە.
بێدەنگی جوانيا خوە
د خوناڤا ھەلبەستێ دە دچكینە.
دارا من
برینێن خوە داستان دبارینە
كانێ گوھدار
كانێ باژارێن حه سرەتێن مە مێتین
كانێ گولزارێن خوناڤ قەرمین
قیزكێن رۆژئاڤايی، شەيدا مان.
وەرە
د باوەشا ئاگربێژيێ دە
دەروێشەكی مەينەنۆش
لێڤێن بايی
ھەناسێن خوە
ژ ھێلما تە مشت دكە.
ژ رۆناھيا
چاڤێن تە
شەمالۆكێن نەورۆزێ ھەلكەم.
تنێ تو و ئەز..
سلاڤەكا بێگونەھین و
سووندەكە نەپەنی ژ مژوولانكێن تە مە
د سنگێ ئەڤینێ دە
خەوەكم.
تو سترانا دارەكە شینی
د بيابانا تیپێن من دە.
گەرماھيا چاڤێ تە ڤەدھوونم
ل بەر كەنيا تە دچم سوجدێ.
ئەڤینەكە بێھەمپايە ھەناسا مە
و
سیبەرەكە ھێمن ژ كەربا دلێ مە.
ڕێنوس و خاڵبەندی تایبەتە بەنوسەر خۆی.