نیل لە بۆشایدا مایەوە
بەھانەی قاتوقڕی بارێکی تری وەرگرت
شارێک لە ژێر باوەڕی خۆی ھاتەدەرێ
نەتەوەی دێرینی سەر زەوی ئایینی خۆی گۆڕی
شارێک خەونەکانی لە ھاتنەدەرەوەی حەوت گای لەڕ لە ڕووبارەکەیدا بەھەڵەدا چوو
پایزی نوستوو پێشوەخت سیمای لە شانی کێوەکاندا
چارەی ئەم خرۆشانە شادی لە خۆیدا ھەڵنەگرت
ڕازی پێشوو نەریتی ئەم خاکە وشکەی لەخۆیدا نەدی
ڕاستی ئەوەی لە گەڵمانبوو ھاتە پێش
شارێک خەونەکانی لە ھاتنەدەرەوەی حەوت گای لەڕ لە ڕووبارەکەیدا بەھەڵەدا چوو
ناوی گەنم پێشھاتێکی دووری ھێنا
بێ ئۆقرەیی زەمینی بۆ دەرەوەی خۆی برد
وەرزی بێ پایان ئارەزووی بۆ ژیانێکی نوێ بوو
شارێک خەونەکانی لە ھاتنەدەرەوەی حەوت گای لەڕ لە ڕووبارەکەیدا بەھەڵەدا چوو
بۆنی گەنمی گرتبوو ھەوا
لەگیانمەوە پەیدا ئەبوو ئەم نانە
ئازاری وەچنگخستن درێژەی نەبوو
قاتوقڕی ئەم ساڵانە تەنگەبەری نەدەویست بۆم
شارێک خەونەکانی لە ھاتنەدەرەوەی حەوت گای لەڕ لە ڕووبارەکەیدا بەھەڵەدا چوو
سایلۆکان شێوەیەک بوون بۆ تەفرەدانی خەڵکی
وشکەساڵی بیانویەکی ھیچ بوو
براکانم لە ژێرناوی گەنمدا بۆ دیدەنی من لێَرەبوون
شارێک خەونەکانی لە ھاتنەدەرەوەی حەوت گای لەڕ لە ڕووبارەکەیدا بەھەڵەدا چوو
کراسی خوێناوی، نێوانی من و براکانم بوو
چیرۆکی گورگان ڕێبەریم بوون بەرەو دونیایەکی تر
ئاشنایم بەخاکێکی سارددا تێپەڕی
زەمینی نوێ لە مانەوەم ڕێگری نەکرد
شارێک خەونەکانی لە ھاتنەدەرەوەی حەوت گای لەڕ لە ڕووبارەکەیدا بەھەڵەدا چوو
ویستی خاک ڕۆژانی بێ پەیوەندیم بوو
مانەوەم لەبنی بیرێکدا ئارامی دەویست
تۆقین لە مانەوە لە ژیانی کۆیلەیم بەرزتربوو
باسێک لەبێزەڕی باران نەھاتەپێش
شارێک خەونەکانی لە ھاتنەدەرەوەی حەوت گای لەڕ لە ڕووبارەکەیدا بەھەڵەدا چوو
بێفەڕی و قاتوقڕی ئەو ساڵانە دووریم بوو
شادی و پێکەوەیی بەشداری خەڵکی نەدەویست
ڕۆزیی ھەموان بەربوونەوەی لە ئاسمانەوە بوو
گیای سەر ئەم بەردانە ئاودێری نەدەویست
شارێک خەونەکانی لە ھاتنەدەرەوەی حەوت گای لەڕ لە ڕووبارەکەیدا بەھەڵەدا چوو
ھەواڵی دووریم لە کەنعان باوکمی خستە سەر ڕێگا
تێکدانی باری ھەوا ڕێگای بەکاروانچیان گۆڕی
با ئەم چینە تۆزاوییانەی لەسەرم ھەڵگرت
ھەوری دلۆڤان لە مانەوەم لەپاڵ کۆیلان تێنەگەیشت
شارێک خەونەکانی لە ھاتنەدەرەوەی حەوت گای لەڕ لە ڕووبارەکەیدا بەھەڵەدا چوو
مانەوەم بەسەربەستی لە ژێر دادو بێھەستیدا بوو
ئەم ئازارانە بەزەیی و مروەت بوون
بێدەنگی کێوەکان نقومبووی ڕۆژانێکی دوور بوون
نیانی باران بۆ ئارامی ئەم دەشتانە تێَدابوو
شارێک خەونەکانی لە ھاتنەدەرەوەی حەوت گای لەڕ لە ڕووبارەکەیدا بەھەڵەدا چوو
سۆزی ژنان ناردیانمە زیندان
شوێنم ناو بیرکردنەوەی خەڵکی بوو
فەرەحی ئەو ڕۆژانە من بووم، کات لە بەری ئارامیمی دەخوارد
شارێک خەونەکانی لە ھاتنەدەرەوەی حەوت گای لەڕ لە ڕووبارەکەیدا بەھەڵەدا چوو
ھاوین و زستانم لەگەڵ بەندکراواندا بوو
خەمی کۆیلان درەوشانەوەی سەر ئەم دیوارانەی نیشان ئەدا
ئاسمان بەر دەبۆوە ناو دیمەنی خۆی
ڕازی دۆزراوە لەگەڵ ئەم تاریکییەدا نەدەچووە پێش
شارێک خەونەکانی لە ھاتنەدەرەوەی حەوت گای لەڕ لە ڕووبارەکەیدا بەھەڵەدا چوو
ناڵەی ئەم بەردانە بەسەرماندا دەڕۆیشتن و دەکەوتن
سامی ئەم دیوارانە بەربەستێکی ڕوون بوون و دەلەرزین
ژیانی ئۆقرەگرتوو لە تارمایی خۆی ھەڵدەھات
گیانی بیرکردنەوە ڕزگاری بۆ نەبوو
شارێک خەونەکانی لە ھاتنەدەرەوەی حەوت گای لەڕ لە ڕووبارەکەیدا بەھەڵەدا چوو
ڕۆژانی تەنگ و دەربەستی تێنەپەڕین
چاوانی ئاسمان بۆ تەرمی ھەزار ساڵەی ئەشکی نەبوو
خاک فریوی بارانی خوارد
شارێک خەونەکانی لە ھاتنەدەرەوەی حەوت گای لەڕ لە ڕووبارەکەیدا بەھەڵەدا چوو