چەند پێنگاڤێن خوە درێژ ھاڤێتبان پێن وێ یێن سپی خوە ژ تەنورێ کۆرت تەلاق ددا، ھەر وەکو ئەڤ قوتابییە مشکێن تاقیگەھێنە و دڤێت ھێزا سەرنجڕاکێشانا خوە ل وان ب جەربینیت، سیزاری ژی بەریکا خوە پیچەک یاکۆنکری داکۆ ل دەمێ ئاریان و فیخانێ دەستێ خوە ببەتە (وی)، ھەماک تلێن وی یێن ژێدگرن، چەند مامۆستا پشتا خوە ددەتێ چاڤ سۆردبن ئارییان دگەھیتە گۆپیتکێ و پتر دەستێن خوە دناڤ بەریکا دا دبەتە خوار و ھێدی ھێدی ب تەمامی بەریکا وی ددڕیێت، پشتی ھزر و تەخمینێن درێژ خەیال کرە د بەرژەوندا خوە دا و ھاتە پێش چاڤان کانێ چەوا ژ پشتڤە حەفکا وێ ب مێژیت و بدەستێن خوە ڤان مەمکێن ل وی بوینە حەسرەت پشکنین کەت، ھەر وەکو ل جەم وی مەمک دیاردەکا کەونی یا دەگمەنە و دڤێت ب مێشتنێ پشتراستبیت کانێ ئەڤ دیاردە چەند مروڤی دبەتە جیھانەکا دویر تر ژ ڤێ جیھانا جار تەحل و جار تڕش.. دڤان ھزر و تەخمینان دا ژ نێشکەکێڤە ماموستایێ ب دەنگەکێ حیز کرە کەنی و دەستێن خوە ب سەر قونێن خوە ڤە دئینانە خوار و ڤەدمالین و دگڕنژی، لێڤێن خوە ژی ھەماک لەقددان.. دەڤێ وی تژی گلیز بوو و توند سەرێن تلێن خوە ل سەر (وی) شداندن تاکو خوە ڤالا کری، دەمێ وانە ب دوماھی ھاتی سەحکرە پەنترۆنێ خوە ب ئالییەکی ڤە یێ تەڕە، ئینا پەرتۆکێن خوە دا نە بەرھەتا گەھشتییە مال ل چ جھان ڕانەوەستا داکۆ کەس ب شولا وی نەحەسیت.
*
ئەز شیمالم ھەڤالێ وی مە، گەلەک جاران ئەم ل سۆزانییان دگەڕییان لێ ب دەست مە نەدکەتن، یان ژی یا دروستتر ئەوە ژ بەر ژییێ مە یێ بچویک مەحالە ئێک بۆ مە دیاربکەت کانێ ل کیڤە ھەنە، مە ل ھاڤینێ ھەمیێ کاردکر پێخمەت ئێکجار سەر سینگێ سۆزانییەکێ بنڤین، لێ ھەیھات ھەر جارا مە دەست ب لێگەرییانێ کری دەست ژ پییان درێژتر بوون ، جارەکێ من ژمارا گەوادەکی پەیدا کر، ژ دەهـ جاران جارەکێ تلەفون ڕادکر و ھەر جار دگۆتە مە وەرن ئەز یێ ل فلان جھی و دەردکەت درەو، ژ بلی بێ ھیڤیبۆنێ مە گەلەک پارە ل تەکسییان مەزاخت ژ بەرکۆ ئەو جھێن وی ژێ دگۆت ئێک ژ یێ دی دوورتر بو، مە نەزانی ئەگەرێ درەوێن وی چ بوو، تاکو ل چەیخانەکا نیڤا بازاری ڕوینشتین و دوو گەنجێن ژ مە مەزنتر سوحبەتا ڤان شولا کری و مە ژی گۆھێن خوە بەل کربوون دا بزانین کانێ چ دبێژن .
ئێک ژ وان گۆت: پشتی جھێ تایبەت یێ سۆزانییان ھاتیە سۆتن، ئێدی بزەحمەت بدەستدکەڤن، ژ خوە گەواد ھند یێن بەتڕان بووین ئێدی تلەفونێن خوە ڕاناکەن و بتنێ داخوازیێن مەسئولان بجهـ دئینن.. پیچەک ڤەما پاش ل سەر زێدەکر: ما چ مەجبۆرن ھەم پارە پتر و ھەم دێ شولێن وان ژی ل حکمەتێ قەتن، یا نەخۆش ئەوە ھەرە مەساجی بڕەکا پاران بدە وان و ل دوماھیێ دێ بێژنە تە فیکی فیکی نینە نزا مرۆڤ چ بکەت.
ئەڤێ ئاخفتنێ ب ئێک جاری ئەم بێ ھیڤی کرین، ئەو ھەمی ل ئالییەکی و پەیڤا فیکی فیکی ل ئالییەکێ دی، فیکی فیکی چیە؟ و بوچ نینە؟ ھۆسا دیارە گەلەکا خۆشە، مە شەرم دکر پرسیاربکەین نەکۆ بھێینە ڕەزیلکرن، سیزاری بڕیاڕدا بچیتە مەساجی و گەلەک ڕکا خوە لێ گرت، لێ پشتی سوحبەت بوویە ڕاست ئەز لێڤە بووم، ئەو چوو و ئەز دڕێکا چونا ماڵ دناڤ رەفێ دا مامە دھزرا فیکی فیکی دا؛ ھوسا دھاتە پێش چاڤێت من شێوازەکێ سێکسی یێ سەرنجڕاکێشە یان ژی کۆمەکا ژنێن ڕویسن وەکی بارانێ ب سەر مرۆڤی دا دبارن، دەمێ ترومبێل گەھشتییە جادا زڤر ناڤ پێن من ئازرییان ھەر وەکو تشتەکێ سەیر دناڤ دا ڕوی ددەت، ھەستێن من لڤین و (ئەو) ڕابوو، من گەلەک ھەوڵدا ھزرێن تشتەکێ دی بکەم دا کۆ جارەکا دی بھێتە خوار ئەگەر نە دێ ھەتکا من چیت و نەشێم ل جھێ پێتڤی ڕابم و ژ ترۆمبێلی بھێمە خوار.
**
پارێن خوە حازرکرن و ژ بەرکۆ ھەر دوو بەرێکێن وی دکونن کرنە دبەریکا پشتێ دا، نەڤیا پارەکی بدەتە تەکسیێ نەکۆ ل مەساجی تێرا وی نەکەن، ب پیان ڕێکا خوە ژ وی خانیکێ ئاخێ و تەجاوزێ نێزێکی چیای خوە بەردا ناڤ باژێڕی و دگەل ھەر پێنگاڤەکێ جار تڕس و جار شەرم و جار حەز خوە لێکدانا ئازاد دگەل مەژیێ وی دکر، گەھشتە نیڤا ڕێ ھۆسا ھەست کر کۆ ئێدی (ئەو) ناڕا بیت، بێھنەکێ ما ل جھێ خوە و پشتی ھزرکەنەکا کویر و دوودلیێ بڕیاردا رێکا خوە بەردەوام کەت و ددلێ خوە دا دگۆت: گەر ئەو نەڕابیت دێ مەمکا مێژم، ما حەرامە ھەکەر بزانم کانێ چ تام ژێ دھێن؟
گەھشتە بەردەرێ ئاڤاھی و دلێ وی زێدە خوە قۆتا، لێ پێ خوە دانا سەر وی دلی و د دەرگەھی را چۆ ژوور، سەحدکەتێ دو کەس بەری وی یێ ل بەندەمانێ، چوو دناڤبەرا وان دا ڕوینشت، ئەوێ ل دەستێ وی یێ چەپێ پەنتڕۆنێ وی تژی دوھنە مرۆڤ دزانیت ل پێشەسازیێ کاردکەت، ئەوێ ل دەستێ وی یێ ڕاستێ تیشیرتێ وی ژەنگی یە مرۆڤ دزانیت ئاسنگەرە و بێھنا ئاسنی گەلەک ژ وی دھێت..
ناڤێ وی گازیکر، لێ پێن وی گەلەک ھاری نەکر، ژنەکا چینی دەستێ خوە داڤێ، دەمێ وی دەستێ خوە کریە ددەستی دا چاڤێن وی تاڕی بوون و نەزانی ب دروستی بەرسڤا سلاڤا وێ بدەت پاشی برە د ژورەکا بچویک دا و بیێ کو بزانیت چەوا و کەنگی ھند دیت ئەو یێ ڕویس و درێژکریە، دەستێن وێ ژنێ یێن نەرم ب سەر پشتا وی دا وەکی ھریێ دھاتنە خوار و ھەتا بنێ پێت وی ڕێکا خوە دشەقاند، ئەو ژی ل جیھانەکا دی بوو؛ دھاتە پێش چاڤان دێ چەوا ل وێ ژنێ سوار بیت و ماچان لێک گھۆڕن ،جارەکا دی خەیال چو د بەرژەوەندا وی دا و ئەو باوەریە بۆ چێکر کۆ دێ ئەڤ ژنا چینی دعەشقا بەژن و بالا وی دا بۆھژیت و ئێدی دێ بێ پارە چیتە دەڤ وێ ژ بەرکۆ دێ حەژێکرنا وان بیتە چیرۆکا عەشقەکا درێژ… ڤەجنقی و زڤڕی ھشێن خوە، دەما ئەو تلێن نازک ب سەر دکەتن و نێزیکی وێرێ دبوون ئەو ھار دبوو، لێ وێ ژنێ ھەر زوی دەستێ خوە سەر ڕادکر ھەر وەکو چ سوحبەت نینە، ھەر وەکو ئازرییان و داخبوون ل ھەر دەم و جھان بەھرا وینە، چەند جارەکا نێزیکی وی جھی با بەرێ دەستێ خوە ژێ ددا پاش. وی ژی دەستێ وێ دگرت و ددانا سەر، لێ ب تۆڕیی ڤە ڕادکر و ئەڤ چەندە گەلەک دوبارە بوو، ژنا چینی ژی ب توڕەیی ڤە تشتەک ب زمانێ خوە دگوت لێ ئەو تێنەدگەھشت چ پێنەما دەستێ خوە برە مەمکێن وێ و گڤاشتن، لێ ھەر وەکو وی دەستێ خوە بریە دەڤێ ماری.. بێھنا وێ تەنگ بوو ئەنیا وێ گرێ بو دیمێ وێ وەک سەقایێ کانونێ تێکچوو و ب تۆڕەیی ڤە لێ کرە ھەوار: فیکی فیکی نینە!
ته‌واو
ڕێنوس و خاڵبه‌ندی تایبه‌ته به‌نوسه‌ر خۆی