شین دھەلیت و ئەز ئاڤا دبم

مۆدلیانی؛ سه‌ری شاعیرێكی پیاو - پاریس ١٩١٥ - زه‌یت له‌سه‌ر كه‌نڤاس Man's Head (Portrait of a Poet) Amedeo Modigliani Date: c.1915; Paris, France * Style: Expressionism Genre: portrait Media: oil, canvas Dimensions: 38.1 x 46 cm
925
ئاریان شانە

دەمێ تو د هەلاتی ئەز ل وی سەری بووم، ل پشت پەنجەرەیێ، حەیرییێ هاتنا تە، ئاخ کو هندەک جارا خوارێ چەند باشترە ژ سەری، تە نەدزانی من چ یارییەکا غەریب یا دەستپێکری، تو ل وێ خوارێ وەکی  پارچەیەکا شینا زەمرودێ د بڕسقی و حەسوودیا من ب هەر رەنگەگێ شین دهات.

پاشی ئەم هەردو سیاری وی هەسپێ سپی یێ بێ باڵ بووین، وەکی دینا مە جادەیێن شین د پیڤان و د هژمارتن و بهێن دکرن و ب دووماهی د ئینان و دووبارە دهژمارتن و ب دووماهی د ئینان و سێ بارە د هژمارتن…و دلێ من چەندێ تەنگ و بچویک بوو، من دخواست بهێلم هزار جاران جادەیان ب دوماهیک بینین تا دلێ مەزن ببیت و مەزن ببیت و هند مەزن بیت تا تو جهێ خو دناڤدا بکەیی، بەلێ نەدبوو و نەدبوو، تە گۆت؛ هەرێ وێرێ ل بەر وی دیواری ب راوەستە، لێ من دڤیا هوسا دیواری ب هەرفینم تا پارچە پارچە ببیت و ئەم ژ هەموو ‌‌‌کۆڕەرێکا رزگار ببین، لێ تە قێریەک هێلا و ئەز ژی ل بەر دیواری راوەستیام و ئەم هەردو حەیریێن مەزناهی و بلندیا دیواری بووین،  دیوار ب خشیماتی و شیانێن مە دکر کەنی و ئەز سل دبووم، پاشی تە چاڤێن خوە یێن شین دانە من و من ژی چاڤێن خوە و هێشتا تو نزانی من چ یاریەکا غەریبا دەستپێکری، من ل وان چاڤێن تە یێن شین نێری و هەموو مەعسومیەتا ژیانا خوە تێدا دیت و ل سەر پێ لەرزیم، وەکی دەریایی بوون هەروەکی پارچەیەکا ئاسمانییە کەفتییە سەر ئەردی، ل داویێ من ب هەموو عەشقا خوە لێڤێن تە ماچی کرن و من زانی خودێ ژی یێ شینە.

ئەتنوێرپن – بەلجیکا

2018

تایبه‌ت به‌ كولتور مه‌گه‌زین
ته‌نها دانانی لینكی بابه‌ت ڕێگه‌پێدراوه‌.

You might also like More from author

Comments are closed.

error: Content is protected !!