پایز بێ و پەنجەرەت بەسەر گۆلی قورینگان بڕوانێ‌

نه‌ژاد عه‌زیز سورمێ

كولاژ - سورمێ
118
كولاژ – سورمێ

وشە لێوی بریندار كردم

جوانییەكی فێڵاوی … گەچڵاو …

بۆسەی چرا كزەكانی ڕێگا

لە غەریبیدا، دوور لە لێوان

پیاڵەی پڕی لێ ڕژاندم …

 

بێدەنگییەك

لەشەڕی ناوخۆی گوڵەكانی كەنار

دەزرنگێتەوە.

شەوقی شاربەدەر …

هەتاوی شەشدەر لێ گیراو،

كولاژ – سورمێ

باڵوێزی ڕووبارە یەكگرتووەكانی بەهەشت

لە مەملەكەتی قورینگان

بڵێسەی ئەشكەوتەكانی سرووش

نهێنی كوژانەوە و هەڵبوونیان هێنا …

حكوومەتی عەشقیان دامەزراند …

 

وەلێ‌ داخ سروودی تەمەن

لەگەڵ تاوە بارانێكدا ڕۆیی …

پەنجەرەی عومر، لەدەرەوەی گۆشەكانی سۆز

بەسەر چاوەڕوانی ئەزەلیی نیشتمانەكەمدا دەڕوانێ‌.

 

كولاژ – سورمێ

* * *

پایز بێ و پەنجەرەت

بەسەر گۆلی قورینگان بڕوانێ‌

سۆز و سەنگدڵی پێكەوە دەبینی

دەتوانی شنەی نەرم بپۆشی

گیرفانت لەشەونم پڕ بكەی …

 

لەگەڵ خەمەكانت كۆببیەوە

باس لە بارودۆخ و پێشهاتە هەنووكەییەكان بكەن.

هەر ئیمێلێكت بوێ‌

كولاژ – سورمێ

بەگەردنی قورینگانی بنێری …

 

* * *

وەهمێكی چەند خۆشە

مرۆڤی دڵ هەلا هەلا

هەمو جیهان

لە قەرتاڵەیەكدا كۆبكەیەوە …

شیرەی هێدمەبوونە،

بەخششی ژاڵە …

 

لە كەش و هەوای تاریكستان

كولاژ - سورمێ
كولاژ – سورمێ

لە خۆشەویستیەك دەچێ‌

هیچ حكوومەتێك دانی پێدا نانێ‌

هیچ فراكسیۆنێكی پەرلەمان پشتگیری لێ ناكا

هەمیشە ون

هەمیشە تەنیا

هەمیشە بێ وێنە …

 

تشرینی یەكەمی 2002

 

ڕێنوس و خاڵبه‌ندی تایبه‌ته‌ به‌ نوسه‌ر خۆی.

You might also like More from author

error: Content is protected !!