به‌رپابوون (١)

816


ــ  تێکستی بەرپابوون بۆ پرۆژەیەکی سەما و ڤیدیۆ و ئارت نوسراوه به ناوی (بەرپابوون) بڵاوکردنەوەی ئەم دەقە له (کولتور مەگه زین) هه‌نگاوی یەکەمی پرۆژەی بەرپابوونه. له‌خوار تێكسته‌كه‌وه‌  (به‌شی یه‌كه‌می) ڤیدیۆی پڕۆژه‌ی (به‌رپابوون) دانراوه‌.

—  سه‌مایه‌ك كۆی جوڵه‌ی ژیانی ئه‌م سه‌رده‌مه‌ شێته‌ی له‌خۆیدا كۆكردۆته‌وه‌…(ئیسماعیل حه‌مه‌ئه‌مین )

 

به‌رپابوون 

 

سه ما گوزارشتی ڕۆحه له پانتاییه سپیەکاندا، یاری جەستەیه بەخەونه جاویدانیەکان.

 له یه‌كه‌م ساتەوەختی سه‌ما و فڕیندا ئێمه بەڕاستی ده ‌ژین، ئه‌و ژیانه‌ی كه لێێ بەهرەمەند نەبووین و دەرکمان بەنهێنیەکانی نەکرد.

جه ستەیەکی ئازاد و ڕۆ‌‌‌‌‌‌‌‌‌‌‌‌‌‌حێکی سەرکێش، ڕێگه دەگرێت : لەوەستان و خەفەبوون و تاریكی، له ترس له خەون و گوتارەكانی جەسته، له سازکردن و ئامادەگی جەسته بۆ داڕزانی ناو کوشتارگا و جەنگه نەبڕاوەكان، كەئەوەندەی دیکه پاڵپێوەنەری جەستەن بەرەو بێ واتایی، بەتاڵی، نائامادەیی، مردوویی، بێ خەون و فەرمان و داواكاری.

دواجار له‌كوێ، چۆن وکەی له دەستپێکردن و پێكدادانی قاچه‌كاندا، بۆ هەمیشه‌ له‌وێدا خۆڵی له دایکبوونێکی نوێ دادەبارێت و هه‌ڵدەقوڵێت؛ بەواتای بزواندن و زیندەگی.

ته نها بازێک، فڕینێک، خه ونێک، هاتن و دەرچوونه بەرەو نادیار، چونکه  هەموو کەوتنێک وانەیەکه بۆ بوون، هەوڵدانێکه بۆ هەستانه وه ، سەرلەنوێ، بۆ  دەربازبوون.

هەڵهاتن و کپبوون و توانەوەیەک، ونبوون وهەپڕوون بەهەپڕوونی جەستەیەک.

 چیرۆکەکان بێشومارن تەواو نابن پچڕ پچڕن، له شوێنێکدا سەرهەڵدەدەن بۆ ساتێک بۆ بەرپابوون.

ئاوێته بوون له ترۆپکی سەمادا؛ تێگه یشتن و ناسینی توانا و وزه شاراوەکانی جەستەیه.

سه ما وه ک هونەری دایک دەستەمۆکردنی جەسته و بەئاگابوونه لە خود و لەمێژوو.

بینین و دەرککردنی ژیان پڕۆسەی فێربوونێکی هێور و هه میشەیی جوڵه و سەمایه.

 به تەنیشت یەکەوه .. .به دوای یه کدا… هاڕمۆنی جوڵەکان، له ڕووبەری جەسته و شوێندا پانتاییەکی ئەفسوناوی و  خۆشنوودی بۆ سەمایەک به رپا دەکه ن.

 به رلەوەی  وشه کان… په موو و بەرده کان… خودی ژیان و زینده گی سنووردار بکه ن، مرۆڤ و جه سته و سه ما  لێرەبوون.

 

سویسرا،تزوگ

26.05.2016

 

 

 

فه‌رموون له‌گه‌ڵ  (به‌رپابوون )  به‌شی یه‌كه‌م :https://www.youtube.com/watch?v=LQ2hQsng0pA

 کاروان عومەر و چرکەساتێکی سەماکردن لەپرۆژەی (بەرپابوون)
کاروان عومەر و چرکەساتێکی سەماکردن لەپرۆژەی (بەرپابوون)

 

 

 

 

تایبه‌ت به‌ كولتور مه‌گه‌زین ڕێنوس و خاڵبه‌ندی تایبه‌ته‌ به‌نوسه‌ر خۆی - مافی بڵاوكردنه‌وه‌ بۆ نوسه‌ر و كولتور مه‌گه‌زین پارێزراوه‌
تایبه‌ت به‌ كولتور مه‌گه‌زین
ڕێنوس و خاڵبه‌ندی تایبه‌ته‌ به‌نوسه‌ر خۆی – مافی بڵاوكردنه‌وه‌ بۆ نوسه‌ر و كولتور مه‌گه‌زین پارێزراوه‌

 

 

 

 

 

 

 

 

 

 

 

 

 

You might also like More from author

Comments are closed.

error: Content is protected !!