هونەر لەبازنەدا
پڕۆژەی سفر – هونەر
گفتوگۆی `ئاڤان عومەر` لەگەڵ هونەرمەند عەدالەت گەرمیانی دەربارەی ` ڕێکخراوی ئارت ڕۆل` کە ڕێکخراویکە بۆ ئاڵوگۆڕی کولتوری و هونەری، لە سەرەتای دەیەی دووهەزارەوە دامەزراوەو تا ئێستا کاردەکات. گفتوگۆکە دەربارەی هەلومەرج و چۆنیەتی دامەزراندن و کارکردنی ڕێکخراوەکە وبەشێک لە پرۆژەو کاروچالاکیەکانیان دەبێت.
هەندێک هێڵی سەرەکی گفتوگۆکە
- ڕێکخراوی `
ئاڕت ڕۆڵ`هەرێـمی کوردستانی کردبووە مەیدانی کۆبونەوەو گفتوگۆو ئاڵوگۆڕ، لە نێوان ئەوروپا و ئەمریکا و ڕۆژهەڵاتی ناوەڕاستدا.
- پرۆسەی ئازادی عێراق هەلومەرجێکی گرنگی ڕەخساند بۆ دامەزراندنی ڕێکخراوی ئارت ڕۆل، بە تایبەتی بەریتانیا وئەمریکا کە شەڕی ئێراقیان کردبوو، پشگیری زۆری پرۆژەکەیان کرد.
- پڕۆژەکانی (ئارت ڕۆل) لە بری ئەو شێوازە کارکردنە باوانەی کە لەو کاتەدا لە کوردستان کاری پیدەکرا، زیاتر لەگەل میدیەمە جیاوازەکانی تری هونەری شێوەکاریدا سەروکاری هەبووە و هەیە.
- لە دوای یازدەی سێپتەمبەر، چەمکەکان بە گشتی و ڕۆڵی هونەرو کولتور گۆڕانکاری زۆریان بەسەردا هات و بەسەردا دیت لە جیهاندا.
- هەمیشە ووڵاتە زلهێزەکان هونەرو کولتور وەک چەکی نەرم بەکاردەهێنن.
- بابەتی جێندەر بۆ ڕێکخراوی ئارت ڕۆڵ هەمیشە جێێ بایەخ و گرنگی پیدان بووە، کاری زۆری لەسەر کردووە، ئامانجەکە ئەوە بووە کە هەوڵ بدات لە ڕێگەی چالاکی هونەری و کلتوریەوە دۆزی ئافرەت گروتینێکی تری پێبدرێت و بەرەو پیشەوە بچێت.
