سەباح ڕەنجدەر - هێڵکاریەکی قەرەنی جەمیل

ئه‌سپی ڕاسپار‌ده‌ زینی خۆشكرد                           


Loading

ئه‌سپی ڕاسپار‌ده‌ زینی خۆشكرد

سه‌باح ڕه‌نجده‌ر

سەباح ڕەنجدەر – هێڵکاریەکی قەرەنی جەمیل

 

 

كوڕه‌ نۆبه‌ره‌كه‌م شیعر

ئه‌گه‌ر شێر بمخوا

ڕووناكی ده‌مارم له‌ناوچه‌وانی لێده‌دا

ناسینه‌وه‌ی مه‌رد ئاسانه‌

ئه‌گه‌ریش چه‌قه‌ڵی دۆڕاوی خودی خۆی بمخوات

ڕووناكی ده‌مارم له‌ناوچه‌وانی خاوده‌بێته‌وه‌

چاو مه‌سووڕێنه‌

هه‌زار و یه‌ك سووڕی ژیان له‌ ساده‌یی دوانت ده‌خەمڵێن  و ده‌رده‌كه‌ون

 هه‌وێنی دڵ بگره‌وه‌ و جریوه‌ و جووكه‌ی دێڕ هه‌ڵمژه‌

گه‌ڕه‌كه‌ جوانه‌كان داوات لێده‌كه‌ن بچیته‌ ناویان و چه‌تریان هه‌ڵده‌ی

نالی و

گۆران و

ئه‌نوه‌ر قادر محه‌مه‌د بكوژه‌

لۆكه‌ت نه‌خستووه‌ته‌ گه‌رووی هیچ گۆرانیبێژێكه‌وه‌

شاعیری پاشخاپه‌رۆك و قۆپیه‌چی و نانی نانیش

له‌ كاتی كڕنووشدا وشه‌كانی ماڵی كران و چه‌پۆك له‌سه‌ریان درا

     ***

گه‌رمایی كه‌ڵدڵی هێشوو پێده‌گه‌یه‌نێ

ئاواز له‌ چاوانی ون نییه‌

گای عول و حه‌پۆلیش له‌جێی كه‌ڵه‌باب ناخوێنێ

16/3/2021 هه‌ولێر

 

تایبه‌ت به‌ كولتور مه‌گه‌زین – بیروڕاكانی بابه‌ت و ڕێنوس خاڵبه‌ندی تایبه‌ته‌ به‌نوسه‌ر خۆی. كولتور مه‌گه‌زین. ته‌نها دانانی لینكی بابه‌ت ڕێگه‌پێدراوه‌. هه‌موو په‌ره‌گرافێك و پۆستكردنێك بێ دانانی لینك و ناوی نوسه‌ر و گۆڤاره‌كه‌ دژی یاسای كۆپی ڕایته‌ و لێپێچینه‌وه‌ی یاسایی له‌ دوایه‌. ‌