ئیسلامیزمی میانڕەو بوونی نییە

ئیسلام جیاوازە لە ئیسلامیەکان، ئیسلامیزمی میانڕەو بوونی نییە

گفتوگۆیی دەنگی ئەمریکا لەگەڵ ئیسماعیل حەمەئەمین

 

 

 

گفتوگۆیەک نیو کاژێری دەربارەی ئیسلامیزم و توندڕەوی ئیسلامی، بەتایبەت لە گۆشەنیگای ڕووداوەکەی پاریس، کە گەنجێکی چیچانی مامۆستا فەڕەنسیەکەی سەربڕی،  چونکە بەڕای ئەو وانەیەکی دژە ئیسلام بووە. لێرەوە گفتوگۆکەی نێوان پێشکەشاری بەرنامەی دەنگی ئەمریکا (بەڵێن ساڵح) و (ئیسماعیل حەمەئەمین) دەستپێدەکات.

 

دەتوانین هەندێک لەم تەوارانەی گفتوگۆ رادیۆییەکە دیاری بکەین؛

• ئیسلام کایەکی ئاینی گەورەیە، کایەکی میتافیزیکیە، بەمانای لە بان پرسی  مادە  و  ژیانی دونیاییەوەیە، دەچێتە پەیوەندیەکی گەورەتر کە پەیوەندی مرۆڤ و ڕۆحە، پەیوەندی نێوان خوا و مرۆڤە. ئیسلامیزم وەک هەموو سیاسەتەک دێت ئەم پەیوەندییە تێکدەدات بۆ بەژەوەندی سەرکردەکان و دەسەڵاتی خۆیان.

• لە مۆدێرنەوە سینیزم (ئەقڵی گاڵتەجاڕی) دەبێتە خەسڵەتی سوبێکتی مۆدێرن، بەمانای مرۆڤی مۆدێرن بە شێوەیەک دەژی و بە شێوەیەکی تر قسەدەکات، بێگومان ئەمەش ڕژاوەتە ناو  ئیسلامی سیاسیەوە.  ئەو خودە عاریفانەی خەریکی مزگەوت و خوای خۆیەتی دوورە لەم دوو فاقییە مۆدێرنەوە، بەڵام کە دەبێتە ئیسلامی سیاسی ئەم خودە لە ڕۆح دوور دەکەوێتەوە و دەبێتە کەسێکی مۆدێرنی دوو فاق و دوو ڕوو.  لەملا دژی خۆرئاوایە و لەولاش ژمارە حسابی بانقی و ژیانی خۆی و منداڵەکانی ئەوروپیی و ئەمریکییە… سەکردە ئیسلامییەکانی دونیا باشترین نمونەن.

• ئیسلامیزم هیچیتر نییە، جگە لە بەکارهێنانی ئاین و ڕۆحە بۆ مەبەستی دەسەڵات و پارە و حوکمکردن.

• ئیسلامیزم سوبێکتێکی مۆدێرنەی دووفاقە، سینیستە، ئەقڵێکی گاڵتەجاڕە، بەوەی ئەوەی دەیڵێت شتێکە و ئەوەی دەیکات شتێکی تر.

• ئیسلامی میانڕەوی سیاسی بوونی نییە، تەنها هەنگاوێکە بۆ ئیسلامی جیهادیی، چونکە جوڵەی لەناو دەقەکاندا دیارکراوە …

• ئەم جۆرە کوشتنانەی ئیسلامی سیاسی، ڕاومێک، ژوورێکی گەورە دەکاتەوە  بۆ ڕەگەزپەرستی دژی  بێگانە و کۆچبەران و موسوڵمانان

 

ئەمە و زۆریتر فەرموون کرتە بکەنە سەر ئەم بەستەرە بۆ گوێگرتن  لە گفتوگۆکە؛

لەگەڵ ڕووداوەکاندا: توندڕەوان لە کلتوری دیموکراسی و مافی مرۆڤدا