ئـەز ب تنێ ژ هندێ ترسم، نەکو ڕوژەکێ بترسم

چنار دۆسکی

چنار دۆسكی
422

تشتەک سرووشتیە کو مرۆڤ خەونان ببینە. لێ ھەگەر مرۆڤ دگەل (نەھشیا ھندەر) دا بمینە ئانکو د (لاوعیێ خۆیێ باتنی) دا بژیت ئەڤ تشتەکێ نەسروشتیە. دبتە ئەگەر مرۆڤ ژ ژیانا نورمال ڤەقەتیێت و ئەڤ ڤەقەتیانە بۆ ھندێ دزفریت کو مرۆڤ د ڕابردوویێ خۆ دا دژیت و نکارتن د کێلیا خو دا بژیت و ژ پاشەروژا خوە دترسیت.

ئەڤ ھەمی تەخمینە ل بەر پەنچەرا ژورا من دا خو تەڤلێ ھزرێن من کربوون. لێ من ڤیا پیچەک ل ترسا خەلکێ دەوروبەرێ خۆ بنێرم، دا کو پیچەکێ ترسا خۆ لسەر خۆ سڤک بکم. من بەرێخۆدانەکا کوور ل سەر و چاڤێن خەلکێ کر، کۆ خوزیەکا من بوو و من خۆشیەک ژێ دیت د خواندنا فوکسا سەر و چاڤێن مروڤان بخوینم و کوورتر بچمە د رەھێن ژیانا مرۆڤان دا، پتر ھەست ب ھەستبوونا ترسێ بکم.

بۆ من دیار بو کو گەلەگ جوڕێن ترسێ ھەنە، دبنە (فۆبیا) ئەڤ فۆبیا وەسان چێدبە دەما کو د حالەتەکی دا یان د روودانەکێ دا مروڤ توش بت ، دبت ترس دگەل مڕوڤی مەزن دبت. لێ من دڤیا د فەلسەفەیا ترسێ بگەھم ، ژبەر ڤێ یەکێ من تەکەز ل خۆ کر، من ژ خۆ دەستپێکر کو من ھەرتشتەک ژ دەست دایە، ئێدی دەما کو مروڤ ھەر تشتەکێ جوان ژدەست بدەت بھێزتر دکەڤت و ژ چ تشتان ناترست ژ دەست بدەت ، ل دووڤ دا من ژ کچا جیرانا خۆ دەستپێکر. د ناڤ باخچەی دا بوو، پرتوکەکا فەلسەفەیێ د دەستان دا بوو و دخواند. لێ من وەسا ھزرا وێ خواند کو ئەو ژی یا دترسیت، بمینتە سەر گوھێ دایک و بابێن خۆ و ژیێ قەیرانێ بسەر دا بگریت و شی نەکەت.

من چاڤێن خو گەراندن من ئەو خوارنگەھ دیت ئەوا ل هەمبەر مالا مە کو گەنجەک جوان کارێ گارسۆنیێ دکر. خوارن ژ بۆ دەولەمەند و ئەفەندیان دبر و خوە ناچار دکر کو بگرنژت دا کو کارێ خو ژدەست نەدەت. من چاڤێ خۆ وەرگێرا، کچەکا بەژن زراڤ د کۆلانا مە دا دبووری. من دزانی کو ترسەکا د رێڤەچوونا وێ دە ھەی. حەز دکت بتە سەماکەر لێ ژبەر ئاخافتنێن خەلکێ ئەڤ حەزە د ناڤ ناخێ خۆە دە ڤەشارتبوو.

دیسان چاڤێن من زالبون لسەر وی پیرەمیرێ ل بەردیواری روونشتی وەستیانەک و ماندبوونەکێ لەشی وی داگیرکربوو ،هەمی دەمان دگوت تەندروستیان من یاباشە…؟ بشتی کۆ دەست ژ جگارە و مەی ڤەخوارنێ بەردای و سپێدەهیان بەریا هەمیان ژ خەو رادبوو و وەرزش دکر دا بۆ خو دیار بکەت کویێ ساخە و نەمریە. مرن ژی تنێ قۆناغەکە ھەموو مروڤان دگریت و مرۆڤ ژێ دبۆرن.

ل دوماھیێ، ترومبێلا مونیکا جیرانێ مە بەر پێیێن من تەنگ کربوو کو لبەر دەرگەهێ مالا مە راوەستیا بوو. خۆ ئەو ژی ژ ژیانا خوە دترسیا کو بهێتە ئاشکراکرن ل سەر کارێ گەندەلیێ و ئەو پارێ ب دزیێ دبت، د دوماھیێ دە بهێتە زیندانکرن، من پێنگاڤەک دن هاڤێت و کور و کەچێن گەنج دیتین گەلەک دوێرەک بوون کو عشقا خۆ ل هەمبەر کۆلانێ ئاشکرا کربوون و ب ڤیان دەستێن ھەڤدوو گرتبوون و ژ ژیێکڤەبوونێ دترسیان، ھەروھا ئەڤ جوانیا نھا بۆ وان نەمینیتن و زیکا پیراتی بسەر وان دا بگرت. خۆ ترس د ناڤا ئەشقا وان دە ژی ھەبوو. د ڤان دەمان دا، من ھەست ب تەنێبوونێ دکر و بۆ من خویا بوو کۆلانا مە ھەموو بەشدار دبن د ئێک ترسێ دا، ئەو ژی ھەموو ژ تنێبوونێ دترسیان.

 

 

تایبه‌ت به‌ كولتور مه‌گه‌زین
Culture Project

You might also like More from author

Comments are closed.

error: Content is protected !!