ب هیڤی نەبووین هەیا بێ هیڤی ببین

ئارمانج گوهەرزی

ئارمانج گوهەرزی
280
ئارمانج گوهەرزی

“دا رزگار بوونا ئەقلی بوو وان کەسا بجهـ بهێلین یێن تەنها کار ب ئەقلی دکەن” ژخوە ئەڤ رستە هەمان ڕەخنەیا “مارکس” بوو ژ “هێگل” دا ڤێ ژی بێژین: ” فەلسەفەیا “هێگل” ل سەر سەری مە ئیخستە سەر پییا، ل ژێر فەلسەفەیا هێگل هیچ شورەشەک نەهاتە گورێ هیچ شلقەک ژی وەک شلقینەکا رادیکالی کۆ گەلێ ئەلمانی بهژینیت روونەدا.

ژبوونا کۆ گەر فەلسەفەیا هێگل پێ ل هنەک فەلەسەفە و فەیلەسوفێن بەری خوە دانیبیت. ئەما نکاری کۆمەلگەهێ ب ئازرینیت، ژبوونا کۆ دورییەک دناڤبەرا ریالیستی و فەلسەفەیا هێگل دا هەبوو. چمکۆ دەمێ هێگل دبێژیت: ((کویلە دشێت د وارێ ئەخلاقی و ئیدولوژی دا د سەر ئاغایێ خوەدا بیت، ئەڤ ژی رزگا بوونا کویلەبوونی دکەتە تشتەکێ حەتمی))

یانی وەک مروڤ ژبۆ ڤێ ڕەوشا جەهنەمی یا ئیرۆ بێژیت:” راستە گەل ئیرۆ دهێتە خاپاندن لێ ژ ئەگەرێ وەرگێرانا پەرتووکا بۆ زمانێ کوردی هشیاری سەد ل سەدە ل پاشەرۆژێ …!!! ئەما “کارل مارکس” ب دارێژتنا فەلسەفەیەکا شورەشگێری کۆ نە تەنها ئەقل بەلکۆ تەرکیز ئیخستە سەر پراکتیکێ ژی یانی “فکر” هزر دچارچوڤەیەکێ ئایدیالی دا نەهێلا وەک فەیلەسوفێن بەری وی کرین. ژبوونا ڤێ ئیکێ تیورەکا شورەشگێریا خورت کاری نەک تەنها شلقینەکێ دناڤ گەلێ ئەلمانیا دا چێکەت بەلکۆ هەر زوو بوو خوەدی بزاڤەکا ئەنترناسیونال و خوەدی دەرکەتن ژ گەلێن بندەست. ل ژێر ڤێ فەلسەفەیا شورەشگێری کۆنجەکێ جیهانێ نەما کۆ گیان و روحا شورەشگێری ل هەمبەر ئیمپریالیزمێ و کولونیالیزمێ سەر هەلنەدەن.

ل ڤر ژی مژارا مە گرێدای هندێ نینە کا ئەڤ شورەش چقاس شیان ب سەرکەڤن و بۆچی توشی شکەستنێ هاتن؟ دبە ئەڤ مژارەک دنە. یا ئەم دخوازین ل سەر راوستین تیورەکا شورەشگێرییە، “بەرهەم سالح” ژخوە نە تیورسیەنەکێ بەرنیاسە و د هەمان دەم ژی نە تیورسیەنەکێ شورەشگیرییە. بەلکۆ کەسایەتیەکێ سیاسی و دبلوماسی و خوەدی ئیدولوژییەک لیبرالە، کۆ تام بەروڤاژی ئیدولوژییەک شورەشگێری، دڤێ ئیدولوژییێ ژی دا تاکەکێ رووت و خودپەریس، بەرژەوەندخواز زێدەتر ناهێتە دیت، بێ کۆ زڤرینەک هەبیت بو ئەخلاق و مروڤ دوستییێ، لەورا ل ڤر کەسێن پشتا خوە ب “بەرهەم سالح” گرێددەن پرانی خەلکێ نورمالە و دوور ژ رەوشەنبیرییەکا سیاسی و فێمەکێ هشیارییا شوڕەشگێری نە.

 

گەل ژی پرانی خوەدییێ هزرەکا لڤوکە هەستێن وان زالن و هەڤسارێ غەریزێن خوە نەشێن کۆنترۆل بکەن. هەر زوو ل دۆر گۆتارەکا سەرنج ڕاکێش کۆ تژی خەیال و درەو و فێلباز کۆم دبن، گاڤا دبێژن :((دناڤ گەلێن ڤەمای شانسێ سەرکەتنا بزاڤێن ئەقلانی کێمە)) هەمان ئەگەرن کۆ گەل پتر ب خەیالێ گرێدایە و دوورە ژ ریالیستێ هەی، ژبوونا ڤێ ئیکێ گەر هەر کەسەکێ هنەکێ نرخاندنەکا ژێرانە بۆ کەسایەتی و سیاسیێن ڤێ هەرێمێ بکەت کەس پەیدا نابیت کۆ مرۆڤی هیڤییەک پێ هەبیت هەیا کۆ ب چوون یان وندابوونا وی بێ هیڤی ببیت.

 

تایبه‌ت به‌كولتور مه‌گه‌زین –
ڕێنوس و خاڵبه‌ندی تایبه‌ته‌ به‌ نوسه‌ر خۆی.

You might also like More from author

Comments are closed.