وەرگێڕانی ھوشەنگ فاروق؛ بازرگان

Loading

ھوشەنگ فاروق
ھوشەنگ فاروق

دبیت ھندەک کەس ھەبن کو دلێ وان ب من ڤە ھەبیت، لێ ئەز ب ڤێ چەندێ نە یێ ئاگەھدارم. کارێ من یێ بچویک من پڕ د ترسینیت ژ بەرکو دبیتە ئەگەرێ ئێشانا سەرێ من یا بێ بێھنڤەدان، ژ بۆ کارێ من ئەو ھندەک کارێن بازرگانی یێن بچویکن.

ھەردەم دڤێت ئەز ب دەمژمێران کار بکەم وەک پێشەکی دا کو ھەمی تشت یێن د ئامادەبن، ئەڤە لڤاندنا جھێ ھزرێ یە، وی ئاگەھدار دکەت ژ بۆ وان شاشیێن ئەو دکەت ، و ل وەرزەکێ ژ وەرزێن سالێ دیاردکەت کا دێ مودێلێن سالا بھێت چ بن، نە وەکی وانن یێن کو ئەو خەلکێ ئەز د نیاسم ل پەی دچن لێ ئەون یێن کو جوتیار نەگەھشتینێ و بکویراتییا ولاتی ھەوارێ بۆ دبەن و گازی دکەنێ.

پارەیێ من یێ د دەستێ کەسانێن بیانی دا: بار و دوخێ کاروبارێن وان ژ بۆ من د ئالوزن و نە دیارن: ب مخابنی ڤە دێ ئەڤ چەندە وان ژ ناڤ بەت و ئەز پێ نە یێ ئاگەھدار: ئەز دێ چەوا شێم ب ساناھی خوە ژ ڤێ یەکێ دوور کەم!

بەلکی ئەو بەرەڤ نەمانێ بچن و نان خوارنەکێ ل ناڤ باخچێ مەیخانێ بخوەن، دبیت ھندەک ژ وان پشکداری نان خوارنێ ببن ھەروەکی بێھنڤەدانەکا کورت بۆ وان بەری گەشتا وان یا فڕینێ ژ بۆ ئەمریکا.

دەمێ ڕۆژا کاری ب داوی دھێت ئەز ئەرکێ خوە ب داوی د ئینم و ژ نیشکەکێ ڤە ئەز دبینم کو ل پێشییا من ب وان دەمژمێران یێن کو ئەز دشێم ژ ھەر تشتی بکەم ژ بۆ کو داخوازیێن بێ دوماھی ڕازی بکەم، پاشی ئەو جوشا کو ل سپێدێ ئەز ژ من دوور کریم ڤەدگەریتە ڤە وەکی ڤەگەریانا باھوزان، لێ نەشێت من ب خوە ڤە بگریت و من دگەل وێ بێ ئامانج دکەت.

و ھەتا نھا ئەز نەشێم ڤی پالدەری بکاربینم، ئەز بتنێ دشێم بچمە مال، ژ بەرکو سەروچاڤ و دەستێن من یێن قڕێژی و خوەھداینە، جلێن من یێن پیس و پڕی تۆزن، کولاڤێ من یێ کاری یێ ل سەرێ من و پێلاڤێن من خیچ خیچ بووینە ژ بەر بزمارێن سندوقان. ئەز دچم مال ھەروەکی سیپەلەکا بلند بووی، برین یێن ل سەر تبلێن ھەردوو دەستان ھەین و ھەر زاروکێ ئەز ب ڕێڤە دبینم ئەز دەستێ خوە ب سەری دا ئینمە خوار.

لێ ڕێک یا کورتە. ئەز د دەمەک نێزیک دا دگەھمە مال، دەرگەھێ پەییژەیێ (ئاسانسۆر) ڤەدکەم ، و دچمە ژوور.

ئەز نھا دبینم، ژ نیشکەکێ ڤە، ئەز یێ بتنێ مە. کەسانێن دی یێن کو دڤییا ب قادرمێ ب چنە سەری وەستیانە ل وێ دەما ئەو د سەرکەفتنە سەری، دڤێت ئەو ڕاوەستن و ھەناسەکا ب لەز ھەلبکێشن ھەتا کەسەک دەرگەھێ ئەپارتمانێ ڤەدکەت، ئەڤە ژی دبیتە ھێجەتەک ژ بۆ وان کو توڕە و دلتەنگ ببن ، دڤێت ل ڕێ یا وێ ژوورێ دا دەرباس ببیت یا کو کولاڤ ھاتینە ھەلاویستن، و نابیت ھەتا ئەو بچن خوارێ ل ھوڵا بەرێ و ل چەند دەرگەھێن شوشەی دەرباز ببن و بھێنە ژوورا خوە کو یێن بتنێ نە.

لێ ئەز د پەییژێ (ئاسانسۆر) دا یێ بتنێ مە، ژ نشکەکێ ڤە، ل سەر چوکێن خوە ل پەنجەرا شوشەی یا بچویک دنێڕم . دەما پەییژە بلند دبیت، ئەز یێ دبێژم:

“بێ دەنگ بە نھا ، جارەکا دی من دگەل تە یە، گەلو ئەڤە سیبەرا دارایە کو تو دخوازی بەرەڤ وێ بچی، یان پشت پەردەیێن پەنجەرێ یە، یان ل بن کەپرا ل ناڤ باخچەی یە؟”

ئەز یێ ل پشت ددانێت خوەدبێژم و پەیژە یا دچیتە خوارێ و ل بەر شوشەیێن بچویک و تاری ڕادبوریت ھەروەکی بورینا ئاڤێ.

“پاشی بفرە، بلا ئەو چەنگێن تە ، یێن کو من چ جاران نە دیتین، تە ببەنە گوندێ ڤالا یان ھنگی پاریسێ تە دوور ببەن ، ئەگەر ئەڤە ئەو جە بیت یێ تو دخوازی بچیێ”.

“لێ دەمێن خوەش ل وێرێ ببورینە و تەماشەی دەرڤەی پەنجەرێ بکە ، و ل ب ئێک گەھشتنا کاروانێ سێ جادەیان بنێڕە یێن کو د دەمەکێ دا نێزیکی ھەڤ دبن ، ڕێکێ نا دەنە ھەڤ دوو لێ ل ناڤ ھەڤ دا دمەشن و جارەکا دی بۆشاییەکا ئازاد دھێلن

ھەر وەکی بەری نھا ڕێزێن وان یێن د ئامادە . دەستمالێن خوە بھەژینە ، توڕە ببە ، بلڤە ، دەستان ژ بۆ وێ خاتینا جوان بقوتە یا کو ڕابردوو لڤاندی .

” ل سەر شەپولێن پرا داری ڕا ببورە، زاروکان ڕازی بکە کو سەرێن خوە بشون و پێشوازیێ ل مەندەھوشیێ بکە ! بلند ببە ژ ھزار دەریاڤانان یێن کو ل سەر کەشتیەکا مەزن یا جەنگێ.

“ل پەی دەوسا نە دیار یا زەلامێ بچویک ھەرە و دەمێ تو وی پاڵددەی بەرەڤدەرگەھی، وی تاڵان بکە، و پاشی ل وی بنێڕە، ب دەستێن خوە و بەریکێن خوە، ھەروەکو ئەو ب خەمبارانە بەرەڤ ڕێکا خوە د چیت ب درێژاھییا جاددەیا ل ئالیێ چەپێ.”

“پولیسان غاردانا ھەسپان و سیارێن وان ھەمی پەرت و بەڵاڤکرن و تو پاڵدای. ڕێکێ بدە وان، ڤاڵابوونا جاددەیان دێ وان گیرو کەت، ئەز دزانم. من چ گوتبوو تە، ئەو یێن جووت جووتە بەرەڤ دوور دبەزن، ھێدی ھێدی ل دەوروبەرێن گوشەیان، ب لەزاتیەکا زوور بەرەڤ گوڕەپانێ دچن.”

پاشی دڤێت ئەز پەییژەیێ ب جە بھێلم و جارەکا دی وێ بەرەڤ خوارێ ب ھنێرم و زەنگلێ لێدەم و ئەو کچا کارکەر دەرگەھی ڤەدکەت دەمێ ئەز بێژم: سپێدە باش.

نوسینی؛ فڕانز کافکا

 

مافی بڵاوکردنەوە بۆ نوسەر و کولتور مەگەزین پارێزراوە! ڕێنوس و خاڵبەندی تایبەتە بەنوسەر خۆی.
مافی بڵاوکردنەوە بۆ نوسەر و کولتور مەگەزین پارێزراوە!
ڕێنوس و خاڵبەندی تایبەتە بەنوسەر خۆی.