زانا واحد
ـ تۆ کی؟
ـ مایا گوهێ خو بدە من ئەز دزانم یا ب زەحمەتە تو د من بگەهی،لێ ئەڤا ئەز دبێژم راستیە و نابیت ژ راستیان ب رەڤین،من ژی نەدزانی چەوان فریشتە خوەدی هەست و سوزێن خونە،ماتەگوه لێ نەبویە؟دبێژن فریشتان وەک مروڤان هەست نینن،عاشق نابن و وەک مروڤان تشتان نابینن،ئەز یێ پشت راستم تە یا گوە لێ بوی کو ئەم بتنێ کوڕنوشێ ژ بوی خودایی د بەین،مایا من ژی هزر دکر کو خودایی ئەز ب خەلەتیڤە یێ دروست کریم،چونکە من ژی باوەر نەدکر کو فریشتەیەک عاشقێ تشتەکێ دی ببیت ژ بلی خودایی،بەلێ مایا باوەر ژ من بکە و بزانە ئەڤە نە ئەزمونەکە فریشتەک ل سەر ژیانێ بتە دکەت دا بزانیت دێ تێدا سەرکەڤی یان نە ، ڤێرە عەرشێ خودایە،مایا ئەز حەز ژ تەدکەم ،هیڤیدکەم ڤێ گولا من ژ ناڤا باغێن بەهشتێ ئینای ژ من وەرگرە .
سادە بوونا مایا یێ موزیکەکا کویر بوو دناڤ ناخەکێ ژەنگ گرتی دا هەردەم هزر دکر چ جاران ناگەهت خەونا خو،ئەو خەونا د ژیێ خوە هەمیێ دا لێ دگەریا و نەددیت ئەڤرو ل بەرمبەر ڤی کەسێ دبێژت ئەز فریشتەمە مایە
مەندەهوش چەوان کەسەک پشتی مرنا خوە ب گەهیتە خەونا خو،چەوان ئەو خەونێن من ب حەزکریێ خوە ڤە دیتین ل دەڤ فریشتەیەکی هەبن و ئەو داخازا حەزکرنێ ژ من بکەت ،چەوان ئەڤرو ئەز هاتیمە دناڤ بوشایێن ئاسمانی دا ؟بوچ ئەز پەرێن خوە نابینم ئەوێن ئەز گەهاندیم ڤێ دوراتیێ ؟
پشتی ڤان هزران ئێکسەر گازیدکەت :ئەی فریشتە بوچ من رابردوویێ خوە ژ بیر کریە ؟ ئەز چەوان گەهشتیمە ڤێرێ؟ نوکە روخسارێ من یێ چەوایە؟
من دڤێت خوە ببینم ؟
-مایا تە رابردویێ خوە ژ بیر نەکریە ،هەرتشتێ د ژیانێ دا روددەت پێدڤیە بهێت ژ بیر کرن ،خەونێن مروڤی نەبن ،ئەو خەونێن هەەرشەڤ بو مروڤی ئاوازا نەگەهاندنا خوە دژەنن و بالیفکا مروڤی ژبو سەمایێ دکەت و نەهێلن مروڤ ب ئارامی بو چەندەکا کێم ژ ژیانێ دور کەڤیت و بنڤیت،تە چ تشت ژبیر نەکریە خەونێن تە یێ ل سەر هزراتە ،دێمێ تەژی وەکو خویە توو هەر ب وی رادەیێ جووانیێ یا جوانی وەرە و دا تە نێزیکی خودیکەکێ بکەم تەماشەیی خو بکە.
مایا ژ بلی وی فریشتەی و مژێ تشتەک دی نابینیت دناڤ ناخێ خودا هەست ب لەرزینەکا سەیر دکەت دزانیت چ تشت د روون نینن نزانیت ئەڤێ ل بەرامبەر وێ دبێژیت ئەز فریشتەمە کیە؟دگەل هندێ پرسیار ژێدکەت راوەستە بەری خوە ببینم بێژەمن تو کی؟ تو چەوان دزانی خەونێن مروڤان ناهێلن مروڤ بنڤیت ،تو نە فریشتەیی هندەک ژفریشتە یان دزانن مروڤان چ باشی و چ شاشی کرینە لێ نزانن هەست ب چ دکەن و چەوا ژ نڤستنێ بێبار دبن،و هندەکێن دی وێ ژی نزانن ،هیڤیدکەم ئەی ئەو کەسێ ئەز نزانم دناڤ ڤێ مژێ دا ژ کیرێ دەرکەتی، مینا وان مروڤێن ل سەر ئەردی یاریا ب خەونێن من نەکە ؟ ئەرێ تو راست دبێژی من خەونێن خو و ئەو کەسێن ئەز ئێشاندیم دا نەگەهمە وان خەونان نە ژبیر کرینە لێ هیڤیدکەم بێژی توو کی؟
ـ ئەز ئەو پارچەیا تەمە یاکو تو ب درێژاهیا ژیێ خو تو لێ دگەریایی و تەنەدیتی،ئەڤە ئەزم، ل ڤێرە هەر تشتێ نەخوشێ مروڤی د ژیانێ دا دیتی دوبارە نابیتەڤە،هەر ل ڤێرە هەر تشتێ مروڤی خەون پێ ددیتن راستیە،مایا ئەز نزانم تۆ چەند باوەر ژ من دکەیی،لێ تە پشت راست دکەم کو مروڤ د ژیانێ دا یاریان ب هەستێن مروڤان دکەن لێ پشتی مرنێ ئەو شیان نینن،د مرنێ دا تشتەک ژ مروڤی نامریت ئەو هێزا رەشا کرێت نەبیت،ئەرێ مایادەما مروڤ ژ ژیانێ باردکەت ب تنێ خرابیێن وی دمرن،مروڤ دەما دمریت دبیت فریشتەیەک پاک،مایا سەدان گەنجێن خەونێن وان ئەو ببن نڤسەر و نەبوین نڤیسەر ل ڤێرێ پەرتوکێن خوە د نڤیسن،ئەو کچێن دڤیا ببن سەما کەر و جڤاکی نەهێلایی ل ڤێرە سەمایێ دکەن، ئەو موزیکژەنێن کەسێ هەست ب ژەنینا ئامیرێن وان نەکری ل ڤێرە موزیکێ بو خودایی ب جوانی دژەنن و خودا ژبەر هەست نازکیا وان دکەت گری.
مایا هند جاران خودا لڤێرە دبێژیت؛ ئەز یێ پوشمانم ژ وێ هێزا رەشا من کریە دناڤ مروڤان دا،چونکە ئەڤ هێزە خەونێن جوانێن بونەوەرا دکوژن،مایا خودا وان مروڤان بەر ب خوە ڤە دبەت یێن هیڤیێن وان دمرن،هەر کەسێ هیڤی نەمان،خەونێن وی هاتن کوشتن خودا وی بەر ب ڤێرێ دئینیت دا دناڤ خەونێن خودا ئارام بژیت،هەر کەسێ ل ڤێرە ئاکنجی بو دبیت فریشتە و ژ مروڤ بوونێ دکەڤیت،چونکە مروڤ خوەدی وێ هێزا رەشن یاکو ب هەمی شێوان خەونێن مروڤێن بەرامبەر دکوژیت.
بیرا من دهێت ل ژیانێ گەلەک جاران من ب کرێتی یا بەحسا خودایی کری،لێ هەردەما من دەستێن خوە پێگڤە دنان و چاڤێن خوە دگرتن من دزانی تشتەکێ هەیی دبێژنێ خودا،من گوه ل دەنگێ وی دبوو،دەنگێ خودایی موزیکەکە مروڤان گوه لێ دبیت لێ نزانن چ دژەنیت.
مایا،ئەز دبێژم بوتە دیار بوو کائەز کیمە و توکی،ل ڤێرە هەمی مروڤ فریشتەنە،من ژی نەدزانی بوچ ڤی ناڤی ددانن سەر مە ،چونکە د ژیانێ دا من حەز ژ وان مروڤان نەدکر یێن بێ هەست،تاکو روژەکێ من پرسیار کری و گوتی؛بوچ ل ڤێرێ ئەز خوەدی ناڤەکم ل ژیانێ دبێژنێ بێ هەست؟ خودایی بەرسڤا من دا،ئەرێ مایا هەر دەما بیرا من ل بەرسڤا وی دهێت دکەم گری،گوتە من؛(ئەو هێزا رەشا دناڤ مروڤان دا هەستێن فریشتان یێن بەرزەکرین،فریشتە خودی مەزنترین هەستن، ل ڤێرەپاکترین بونەوەرێن چێکرینە،فریشتە حەز ژ یەک دوو دکەن،هەست ب یەک دوو دکەن،موزیکێ دژەنن،سەمایێ دکەن،هەرتشتێ گرێدایی هەستان بیت بتنێ وی دکەن)،مایا و ل داویێ چەند پەیڤەک گوتن من دڤیا دگەل وان پەیڤان بەرب ئەردی بزڤرم و مروڤان تێبگەهینم کو ئەو شاش هزر دکەن و بێژمێ خودایی نازکترین هەبوون یاهەیی ،مایا ل داویێ خودایی گوتە من (نابیت چ بونەوەر خو بومن ب چەمینن،ل ڤێرە هەر کەس یێ گرێدایی عەشق و خەونێن خویە،ئەز پێدڤی ب دروستکرنا مروڤان بووم، ماتو نابینی دەما هین موزیکێ دژەنن،دەما وان تشتان دکەن یێن هوون د ژیانێ دا ژێ دبێ بار ،ئەز چەوان دکەم گری،بوچ کەس ژ هەوە جارەکێ پرسیار نەکریە خودا تو بوچ روندکان دبارینی؟تو بوچ خوە دئێشینی؟،ئەز هەست ب هەوە هەمیان دکەم،چونکە من هوین یێن ل سەر وێنەیێ خو دروستکرین،لێ ئەو تشتێ ژ من کێم ژی من یێ دناڤ هەوەدا ئافراندی،ئەز ژ بوی وی تشتی دکەم گری و دئێشم،من خەون نینن،ئەز نەشێم مینا هەوە هیڤیان دناڤ خودا بچینم،
لەو هەردەما هەوە دبینم د ژیانێ دا ناگەهن خەونێن خۆ ئێکسەر هەوە بەر ب ڤێرە دئینم و تەماشایی خەونێن هەوە یێن جوان دکەم و هندەک ژ هەستێن خو دناڤ هەوە دا دبینم روندکێن من دهێن خوار و ژبو بێ بەختیا خوە دگریم، ژ بوی وێ کێماسیا خوە،بێ خەونی و بێ هیڤیا خوە دئێشم.
چاڤێن مایا یێ تژی روندک ببون و ژ ترسان دلەرزی و ئومێدەک د چاڤان دا یا دیاربوو،لەشێ وێ وەسا سپی ببو دابێژی یا ژ بەفرێ دروست کری ، من هندی ژیێێ وێ یێ ژیانێ پەیڤ د چاڤێن وێ دا ددیتن، دگەل وێ ترسا زور و تژی ئومێدا ددلی دا خوە د باوەشا فریشتەیی وەرکر و ئێکسەر گوتێ ؛من دڤێت خودایی ببینم و بێژمێ من تو ژ بیر نەکریە.
هەر د وی دەمی دا چپکەکا ئاڤێ کەتە سەر رویێ مایا یێ و روناهیا خودای دناڤ وێ مژێ دا دیار بوو ،لێ دێمێ وی یێ بەرزەبوو.
دوی دەمی دا مایا یێ ئەو گولا فریشتەیی بو ژ باغێن بەهشتێ ئینای ژ دەستان ئینا دەر و بەر ب روناهیا خودایی چوو و کرە دیاری ژبوی وی خودایێ وان مروڤێن خەونێن وان هاتین کوشتن ل ڤێرێ بەختەوەر دکەت و هەمی خەونێن مروڤان دکەت راستی.
پشتی هینگێ وی فریشتەیی و مایایێ دەست ب سەمایێ کر،سەمایەک د ئەبەدیەتێ دا،ئەز هزر دکەم ئەو جوانترین سەمایا هەبوونێ بوو،درێژترین سەمایا پاقژیێ بوو، سەمایەک بوو خەونێن دوو مروڤێن دی ئەو مروڤێن دەما دمرن دبن فریشتە کرە راستی.
رەنگەهین هزربکەن ئەڤە خەیالەکە لێ ئەڤ رێسکەیێن من نڤیساین راستیەکن ل وی عەرشی رویداین،پشتی من هەمی شیانێن خوە ل ژیانێ داینە کاری و نەبویم نڤیسەر ئەز ژی هاتمە رەوانەکر ژبوی ڤی جهێ بێ داوی ژ جوانی و هەست و راستیان، دەما ئەڤ رویدانێن دناڤ بەرا فریشەیی و مایا یێ دا رویداین ئەز بینەر بووم و من د نڤیساند تاکو ب داوی هاتیم و من سەرێ خوە ژ ناڤ کاغەزێن خوە یێن پر ژ ژیانەکا چ مروڤێن ل سەر ئەردی نەدیتی راکری من ژی مینا مایایێ روناهیا خودایی ل بەر سینگێ خوەدیت،روندکێن وی ددیار بوون،تاوی رادەیی دکرە گری چەندین باژارێن دونیایێ ژبەر گریا وی وێران بوون،چوار سالان بێ راوەستیان باران ب سەر ژیانێ دا دهات ،بارانەک ژ روندکێن خودایی و روندکێن وی ب داویی نەدهاتن لێ کەسێ هەست پێ نەدکر تا داوی روندک
دگەل داوی روندکا خو ئەڤ چیروکە ژ دەستێن من ئینا دەر و دگەل روندکا خوە بەردا ئەردی داکو هندەک ژ مروڤان هەست ب وێ هێزا رەشا دناڤ ناخێ خوەدا بکەن و پیچەک ژبو ژیانەکا دی یا پر ژ جوانی و پاقژیێ بکەن گری.
تەواو
کولتور مەگەزین؛ یەکێکە لەمەنالۆگە جوانەکانی هونەری چێرۆکنوسین، زمانیکی نەرم و پڕ ڕیتمی کرمانجی، مامەڵەیەکی پڕ هاڕمۆنی لەگەڵ بارە دەروونیەکانی گێڕەوە.