تاوانبارانی ئەنفال دەستگیردەکرێن ؛ دۆکۆمێنێتی گرنگ

فەرموون  لەخەندانی بەڕێزەوە:

له‌ نووسراوێكدا كه‌وێنه‌یه‌كی بۆ خه‌ندان نێردراوه‌، ئه‌مڕۆ 7ی ئایاری 2015، ئه‌نجومه‌نی دادوه‌ری هه‌رێمی كوردستان، سه‌رله‌نوێ بڕیاری ده‌ستگیركردنی تۆمه‌تبارانی ئه‌نفالی ده‌ركرد.

ئه‌نجومه‌نی دادوه‌ری هه‌رێمی كوردستان له‌ نووسراوێكه‌دا رایگه‌یاندووه‌ كه‌، “دوای كۆبوونه‌وه‌یه‌كی ئه‌نجومه‌نی دادوه‌ری له‌گه‌ڵ كه‌سوكارو نوێنه‌رو رێكخراوه‌كانی تایبه‌ت به‌ كه‌یسی ئه‌نفال چه‌ند فه‌رمانێكی ده‌ركردووه‌ كه‌ داواكاری كه‌سوكاری ئه‌نفالكراوه‌كانیش بووه‌”.

یه‌كێك له‌و فه‌رمانانه‌ش جه‌ختكردنه‌وه‌یه‌ له‌سه‌ر جێبه‌جێكردنی یاداشته‌كانی ده‌ستگیركردنی تۆمه‌تبارانی ئه‌نفاله‌ كه‌ كاتی خۆی له‌ 5/5/2011 ده‌ركرابوو و ئێستا دووباره‌ گشتاندنی بۆ كراوه‌ به‌سه‌ر گشت دادگاكانداو بڕیاردراوه‌ كاری پێویست ئه‌نجام بدرێت و هه‌روه‌ها له‌ هۆی دواكه‌وتنی جێبه‌جێ نه‌كردیشی ئاگادار بكرێته‌وه‌.

هه‌روه‌ها یه‌كێك له‌ بڕیاره‌كانی دیكه‌ی ئه‌نجومه‌نی دادوه‌ری ئه‌وه‌یه‌، كه‌ داواكاری گشتی به‌دواداچوون بكات و رێكاری یاسایی بگرێته‌به‌ر له‌ كه‌مته‌رخه‌می له‌ جێبه‌جێكردنی ئه‌و بڕیاره‌ی دادگا.

له‌بڕیارێكی دیكه‌ی ئه‌نجومه‌نی دادوه‌ری پێكهێنانی لیژنه‌یه‌كه‌ له‌ ئه‌نجومه‌نی دادوه‌ری كه‌ نوێنه‌رانی داواكاری گشتی و كه‌سوكاری ئه‌نفالیش له‌ خۆ ده‌گرێت ئه‌ویش بۆ به‌دواداچوون بۆ پرسی نه‌مانی دادگای باڵای تاوانه‌كانی عێراق كه‌ تایبه‌ت بوو به‌و كه‌یسانه‌.

هه‌روه‌ها ئه‌نجومه‌نی دادوه‌ری له‌ نووسراوه‌كه‌یدا ده‌ڵێت: “چونكه‌ كه‌یسی ئه‌نفال، كه‌یسێكی نیشتمانییه‌ بۆیه‌ پێویستی به‌پاڵپشتی تێكرای هه‌موو داموده‌زگاكان هه‌یه‌، چونكه‌ ته‌نیا ئه‌ركی ئه‌نجومه‌نی دادوه‌ری نییه‌ بۆیه‌ جه‌خت له‌ پاڵپشتی و پشتیوانی په‌رله‌مانی كوردستان و ئه‌نجومه‌نی وه‌زیرانیش ده‌كاته‌وه‌”.