من لە درەختە سووتاوەکە وورد دەبوومەوە، درەختێک هەناوی ڕەش داگەڕابوو. گوێم لێبوو و ئەو گووتی:
”پیاو کە تەواو دەبێت ئیدی لە ژن دوور دەکەوێتەوە”
من هێشتا سەرم لەسەر سنگی دانابوو.
جارێکی دی پرسی: ”لەبەر من باوەشم دەکەیی یاخود خۆت حەز دەکەیت؟”
من نەمدەزانی چ وەڵامێکی بدەمەوە. لەسەر سەنگی هەستام و جگەرەیەکم داگیرساند. بەرەو لای درەختەکە کشام و پشتم نا بە درەختە سووتاوەکەوە. ئەو لێم نزیک کەوتەوە و لە باوەشمدا دانیشت.