ئەرێ، من یێ کوشتی. نەء، نهء، ل دەستپێکێ کوشتن نەبوو. بتنێ پێکگوھرینا دوو ھزرێن جودا بوو. ئەم د ترومبێلێ دا بووین دەمێ ھزراوی دگەل بایەکێ سار ھاتی. من نەدڤییا وەبکەم، من نەدڤییا باوەربکەم. لێ ھندەک _ھێز_ دناڤ مە دا کونترۆلێ ل سەر مە دکەن. تو دبێژی ئەڤێ چەندێ گرێدانەک ب نەزانینا من دەربارەی من ب خۆ ھەبیت. ئەڤە ئەو گولا سۆرە ئەز دێ نھێنییا وێ بۆ تە بێژم، تو دزانی دەمێ ئەڤ گولە ھشک دبیتن، دگەل ئارەقا هەسپان دبیتە _کوکاین_ ئوف، پێدڤییە تو ب جەربینی. بۆ تە نھێنی بوو، ئەرێ ئەز دزانم نھێنیێن ڤێ ژیانێ ژ ئاستێ وەرگرتنا مە مەزنترن. ھەتا گولێن نازک ژی د ڤێ ژیانێ دا د گونەھ بارن. ئەز یێ گێژ بووم، من نەدشییا پێنگاڤێن خۆ ل دیف ئێک بھاڤێژم، من ھەست پێ دکر ھەرتشتێ من دیتی و خواری، دێ ژ دەڤێ من دەرکەڤیت.
من دڤییا سکسی دگەل بکەم، ئەوی د ڤییا وی بکوژم. ئوف، دڤێت ئەز جارەکا دی سەرخۆش بم و ل سەر لەشەکی ب رازێم. ھەموو دەمان دگۆت، ل _لایێ_ دی مرۆڤێن ئاگری یێن ھەین، ھەتا ئەم وان ب سینگێ خۆ ڤە نەگڤێشین، کاروانێ مە ب داوی ناھێت. من نە دزانی باسێ کیژ کاروانی دکەتن. لێ ب راستی من ژی دڤییا ڤێ رێیا درێژ بکوژم، من نەڤێت ئێدی پێن من ل سەر ڤێ ئاخێ ب مەشن، یێن فێری خیانەتێ بووین. ما ھەتا کەنگی دێ بەرەف ئارەستێن نەدیار چین؟ ھەتا کەنگی دێ وەکی پەلاتینکان د کافر بین و چارەنڤیسێ مە ب ئاگری ڤە یێ گرێدای بیت؟ ل دەستپێکێ یان ژی ل داوییێ ژبەرکو چ جوداھی نینە، من گەلەک پێشنیاز بۆ وی دانە خۆیاکرن و من گو ھداریا وی کر. من نەڤییا دیتنا وی دەربارەی وی بھێتە گۆھرین. لێ ھەرتشتێ نێزیکی من دبیت داڤە دبیت و سەر ژنوو ئاڤادبیت. لەورا یا سەیر نینە ھەگەر ھزرێن نوو، ژ یێن کەڤن د خرابکەر تر بن. گڤاشتنێن مەزن ل سەر مە بوون، تاوی رادەی مە تام ژ تشتێن ھەین نە د وەرگرت.
مە دڤیا گوھرینا دناڤ دەمی دا پەیدا بکەین، لێ ئەو دەمێ بووری دێ چاوان ھێتە گوھرین؟ من کوژت_ من نەدڤیا ب وێ کرییارێ خۆ رازی بکەم، وەکی ل دەستپێکێ من گوتی_ بەلێ مە بەرسڤێن خۆ دناڤ نھێنیا وێ دا دیتن. من ژی باوەر نەدکر دەمێ زەلامەک ماقویل ژ ھەڤالێ من دەرکەفتی، ماقویلییا وی دگوت ھوون ھەموو یێ ل بن فەرمانا من. بەری ئەز بێژمێ ئەم ھەموو کینە؟ من دەستێن خۆ ڤەکرن و ب کەنییەکا دل رەق بەرەف وی ڤە چووم، چەند نێزیک دبووم، چاڤێن وی یێن مەزن بچوک دبوون. تشتێ ژ سکسی خۆشتر حەز ب خۆیە، ئێدی من نەڤێت نێزیکی چ کەسان بم، من نەڤێت حەزێن من ب دیدارا وان بمرن. پشتی دووبارە و سێ بارە ھەڤالێ من ژ مرنێ ڤەگەریایی، مە گەلەک شێوێن ژیانێ جەرباندن، بۆ مە دیار بوو گرنگییا ژیانێ یا د لادانا وێ دا . یا سەیر من نەدزانی بۆچی و ژ بەر چ من ئەو کوشت؟ ژ بەرکو نە مە تام ژ مرنێ وەردگرت، نە ژ ژیانێ و تا نھا ژی ئەم نزانین کیژ بەری یا دی یە!
ڕێنوس و خاڵبەندی تایبەتە بەنوسەر خۆی.