١
ئێمە مانێڤستی ماكینەی ئارەزووەكانین، ئارەزوكانیش بریتی نییە لە چێژ، بریتی نییە لە تەنیا ئاستێكی پسیكۆ- سۆسیۆلۆژی هەبوون و دەسخستن و خاوەندارێتی كردن و عەمباركردن. ئارەزو ئاستێكی ئۆنتۆلۆژیی ئیمانانتە. ئ
ئارەزو، ئارەزوكردن نییە بۆ ئەویتر، سوژەیەی ئارەزو لە ناو پەیوەندییەكی دیالێكتیكانەدا نییە لە گەڵ ئارەزوكراو و ئارەزو بۆكراودا. ئارەزو لە سەرەتاو لە كۆتاییدا ئارەزوی ئارەزوكردنە.
کاریکاتێرێک؛ دەربارەی ڕۆمانی کافکا (دەعەجانیبوون) کە پاڵەوانی ڕۆمانەکە دەبێت بەقالۆنچە..
ئارەزو نوقسانی و كەلێن و درزێك نییە هەڵپەی پڕكردنەوەی بێت و هەرگیزیش پڕ نەبێتەوە. ئارەزو نە چێژەو نە ڕیاڵ و نە نوقسانی، بەڵكو ئاستێكی ئۆنتۆلۆژییانەی سوبژێكتیڤاسیۆن و بە سوژە بوون و سوژەسازییە لە ناو هێڵەكاندا، لە ناو تۆبۆگرافیاو جوگرافیادا، لە سەر فۆرمیولەكردن و فۆرمیولە بوونەوەو شكڵوەرگرتن لە ناو خێرایی و جوڵەیەكی ڕەهادا، لە ناو سەیرورەدا.
نە سەرەتایەك هەیەو نە كۆتایی، هەمیشە ناوەندێك بە فۆرمێكی بەربڵاوی ڕیزۆمی و ئاسۆیی… ئاستێكی ترانسێندێنتاڵی بە هیچ ڕەهەندێك بوونی نییە. بەمشێوەیە ئەم ئاستە ئۆنتۆلئژییەی ئارەزوی ئارەزوكردن لەو دیو سوژە/ ئۆبژەوە هەمیشە و بەڕەهایی لە ناو ئیمانانسێكدا فۆرمیولە دەبێت. ئارەزوی ئارەزوكردن دەركەوتەو فۆرمیولەبوونی سۆسیوسیتانەی هەیە، بەڵام ئاستە سۆسیوس و پرکاتیك و ڕۆژانەییەكانی مانێڤستبوونی ئارەزوش ئااتی ئۆنتۆلۆژی لە خۆی دەگرێت و لە هەناوی خۆیدایە.
٢
ئارەزو كردنی (بوون بەمناڵ) یان ( بوون بە ژن) یاخود (بوون بە گیانلەبەر) و (بوون بە باوك) و (بوون بە دایك) و بوون بە برا، بوون بە خوشك، بوون بە ئینسان… ئارەزوكردن نییە بۆ ئەكتێك كە لە دەرەوەی خۆمان بێت و ئارەزوی پراتیكبوونی بكەین و ئارەزوكراوێك بێت لە دەرەوە و لە ناو جیابوونەوەو لە خۆترازاندا، بەڵكو كۆی بە ( ئەو بوونانە) لە ناو سەیرورەدا، لەنیوو پڕۆسەیەکی گەشەندن و دروستبوون و ڕووخاندا بە ڕەهایی بەریدەكەوین لە ئاستێكی ئۆنتۆلۆژیدا، لە ئاستی بوونماندا، ئاوەها لەسەرو پەیوەندییە دوالیزمییەكانەوە پراکتیزەی دەكەین.
ئارەزوی مناڵبوون، مناڵ هەبوون، ئارەزوی هاوسەر، ئارەزوی ئاژەڵ… ئارەزووكردنی نوقسانی و نەقسێك نییە كە نەمان بێت، ئارەزوی خاوەندارێتی نییە وەك ئەوەی هەمان بێت، بەڵكو ئارەزووی ئارەزووكردنێكە كە دەیەوێت لە ئاستێكی ئۆنتۆلۆژیدا و بە فۆرمی سۆسیوسی دەركەوێت.
مناڵەكەم مناڵیی منە، ژنەكەم گوزارشت نییە لە خاوەندارێتی و موڵكییەت، دەربڕو مانیفێستبوونی ئافرەتێتی وئافرەتبوون و ژنێتی خۆمە كە، بە ئیمانانسی لە خۆمدایە.
ئەوەی هەیە تەنیا ئارەزوی ئارەزوكردنە، ماكینەی ماكینەكان،ئارەزوی ئارەزو. مناڵەكەم نوقسانیەك نییە و كە نەم بێت ئارەزوی نەقسێك بكەم، ئەگەر وا بوایە دەرەوەیەكمان دەخوڵقاند و مناڵیكمان لێوەردەگرت، لە ناو دەستكاریكردنە بیۆلۆژی و جیناتیەكانیشدا، كەر لە خۆمدا بۆ منالێك دەگەڕێم. لە ناو مناڵیی و ئاستە ئەنتۆلۆژییەكەی مناڵی خۆمدا بۆ پراتیكردنی مناڵی بە مناڵبوویەك دەگەڕێم.
كافكا لە ڕێگەی زمانێكی كەمینەیی و لە ڕێگەی هێڵەكانی هەڵهاتنەوە دەبێت بە كەمینەیەكی ئارەزوویی تا هەڵبێت و پرۆسێسیوسەكانی كەمینەیی پراتیكە بكات. كافكا لە ڕێگەی پاڵەوانی ڕۆمانەکەی (دەعەجانیبوون) کە گریگۆری سامسایە، سامسا دەبێت بە میتامۆرفۆسێك، فۆرمی دەگۆرێت و دەعاجنی دەبێت بۆ قالۆنچەیەک.
لە ناو سەیرورەدا دەبێت بە گۆڕاوێك، گۆڕاوێك هێڵی هەڵهاتن و ئەكتی سوبژێكتیڤاسیۆن و بە سوژەبوونێكە ، کە بە پلە ئیمتیاز ئەكتێكی بەرگرییە. میتامۆرفۆس دەرەوەیەك نییەو ئارەزومان كردبێت و لەو دیو خۆمانەوە پراتیكی بكەین، میتامۆرفۆس پراتیكێكە، ئارەزویەكی پراتیكبوونە لە ناو سەیرورەو ئیماناسدا، قەڵەمڕەویخستنەوەو قەڵەمڕەویدروستكردنەوەیە بە تێپەڕین و دەرچوون لە قەڵەمڕەوییەك كە داگیركراوە، كە دەسەڵات وپەیوەندی دەسەڵات و پەیوەندی هێزەكان و سوهەیەكی ویستراو خوازراوی ناو پەیوەندی هێزەكان ئارەزویكردووە.
ئارەزوو لە ئێستاو لێرەدایە، لە ناو پراتیكەكاندایە، پراکتیك و ئارەزوی پراتیكەكراو نە لەڕابوردودایە و نە لە داهاتودایە، ئەكتێكی ڕابوردو یان گێڕانەوەو گەڕنەوەی ڕابوردو نییە، وەك چۆن ئەكتێكی چاوەڕوانكراوی ناو ئایندە نییە. لێرە و لە ئێستادا!
تەواو
