کارۆ حوسێن؛ بۆنی ئاسکی برژاو

Loading

کارۆ حوسێن

(چیرۆکی زۆر کورت)

گرافیک بەقەڵەمی گونتەر گراس؛ ئۆسکار ماتسەرات تەپڵی تەنەکە لێدەر!
گرافیک بەقەڵەمی گونتەر گراس؛ ئۆسکار ماتسەرات تەپڵی تەنەکە لێدەر!

خزمه‌تکار زۆر به‌په‌له‌ و به‌ په‌شۆکاوی به‌ره‌و دیوه‌خانی میر هات

-میرم میرم

— چی بوه‌ چی قه‌وماوه‌ وابه‌م ناوه‌خته‌ خۆت کرد به‌ ژووردا؟ 

ـ میرم ئه‌زانم ئێوه‌ هه‌مو پاش نیوه‌ڕۆیه‌ک کاتی پشودان و نوستنتانه‌، به‌ڵام ناچاربوم هه‌واڵێکتان بۆ بێنم.

میر به‌ساردیه‌وه‌ ؛ چ هه‌واڵێک ؟

– گه‌وره‌م ئه‌بێ چی وامن ڕه‌نگ په‌ڕیو بکات ؟!پیاوه‌کانی میری (……)سنوری ئێمه‌یان به‌زاندوه‌ !

 

 

ـ هه‌ر به‌وساردیه‌وه‌؛  چه‌ند پیاون ؟

-قوربان نازانم به‌ڵام ئاسکه‌ کێویه‌کان ڕاو ده‌که‌ن و ئه‌یبه‌نه‌وه‌ بۆ میرنشینه‌که‌یان.

— که‌واته‌ مه‌ترسی نیه‌ بۆ میرنشینه‌که‌مان !

– چۆن میرم ئه‌ی خه‌ڵکی ، هه‌موو له‌ برسا ئه‌مرن؟

ـ  بێ ئەقڵ خه‌ڵکی وڵاته‌که‌م ڕادێنم به‌ئەو و بۆنه‌ بژین که‌ له‌برژاندنی ئاسکه‌کانی خۆمان له‌ میرنشینی دراوسێمانه‌وه‌ با ئه‌یهێنێ بۆ نێویان .

 

تەواو