ئهو خهلكهكن رهها باوهری ئینایه و مه پشتهڤانی كریه.
ئهو خهلكهكن بندهستیا ژ ئهسمانی نه دادای رهتكریه و مه هاریكاری كریه.
ئهو خهلكهكن ژ نانێ گهرم و نڤینا نهرم هاڤیبوونه و مه پالپشتی كریه.
ئهو خهلكهكن ئالا و پێچه و پهردێن ژ رهشاتیا كلی هاڤێتینه و مه پهسهندكریه.
ئهو خهلكهكن ل سهر ئهمهكداریا دهروێشانه یاخیبوونه و مه هاندانه.
ئهو خهلكهكن دهستبهردای سیڤاندێن دهرهوا برایینیێ بوونه و مه پالداینه.
ئهو خهلكهكن بهههشتا خهونان چولكرینه و مه وارێ كوبانێ پیرۆزكرینه.
ئهو خهلكهكن سێڤا گۆنههێ لهقدانه و ئایهتا ژبهركریا توبێ ژبیركرینه.
ئهو خهلكهكن نه وهكو خهندقیێ ب بلنكرنا دهستان خۆ ب بای ڤه گرتینه، بهلكو ب هلدانا باسكان سواربوون ل بای و لگهل بای بلندبوونه، بلندبوون بهرهڤ ستێرێن چهند تاریستان تیرتردبیت، ئهو گهشتردبن، شهیدا، دلدار و شهیدا ستێر و رۆژێ یه، ژێههل دنێری و گهرما رۆژا ئالایی تێهنددا و كونیله ب باركهیێن وزهیێ خۆراكددا، دهنگڤهدانا بالۆرهیێن سروودێن زهردهشتی د پهرستگههێن دێرینڤه زاخددا، گلیزانكێن كهربێن وی ڤهدكرن … دبوو شاهینهك و ل بلندیا چیا شاپهرێن خۆ ڤهدكرن بۆ نێچیرا قهلهرهشكان ژووردا بهرهڤ دهشتێ خۆ بهرددا …
شهیدا نه ژ چ هۆز و ئوجاخانه، نه ژ چ پارت و دهڤهرانه … شهیدا ژ خواندنگهها خورهمی و نورسی یه، شهیدا بۆ ههر دندكهكا ئاخا وهلاتێ رۆژێ جانگوری یه، شهیدا ب تهنا سهرێ خۆ دۆزهكه، كا چاوا باوهردارهك پێگیر نهڤیت ب گۆنههان باركری بمریت، وهسا شهیدایێ نهڤێت د وهلاتهك داگیركری دا بژیت، لهو ب پهرۆشیا دلدارهك ژڤاندار سهرێ خۆ بهست، نه وهكو ههڤتهمهنێن خۆ ژڤاندارا هۆلا زانكۆیێ یان شهڤبێرییا یانهكا دانسێ یه، دا ل چیا بهفر رهش نهبیت، بیتانوك پێتی نهبن، شلێر كریت نهبن! ل دیدارا ههلاتنا رۆژێ ژڤانداره، ب دلچوونهك نهینی و تێهنیبوونهك دژوار بۆ ههمبێزا دهركوشا دایكێ و ڤهگهریان بۆ بزدانا ههروههر گهرم و شهدار پێنگاڤێن چهسپای هاڤێتن، دا ب سهركهفیته ئهسمانێ وهلاتی و لگهل جانگورییان ههر شهڤ دهركهفیت و بێژته قهلهرهشكان، هندی رۆژا وهلاتێ رۆژێ رهش بكهن، ئهمێ شهڤا وی روهن بكهین.