فرچەیێ رەنگان راکر و ژ رەنگێ شین دەست پێکر، تژی سپیاتییا کاغەزێ کرە باژێرەکێ شین، شین ژ کچان، شین ژ فریشتەیان، شین ژ دلۆڤانییێ و شین ژخۆ …
د تابلۆی دا کچەکێ کو روخسارێ وێ یێ شین بوو، دانوستاندن دگەل شیلانا هەڤالا خۆ دکر و شیلانێ پرسیار ژ شەیمایێ دکرن ل بەرامبەر جادەیێ ل قەهوەخانا ئاسمانێ شین، هەریەک ژ وان رۆمانەک د دەستی دابوو ب ناڤێ “شین”، دویکێلا جگارا وان یا شین و چاڤێن وان یێن شین، پرچا وان یا زەر ژبیرا هەمی مروڤان دبر، دەما دبوو شەڤ شینی جوانترین هەبوون دگەل خۆ رادکر، دناف تارییا شەڤێ دا هەمی فریشتە ب پەرێن خویێن شین ڤە دهاتنە خار و دەستمالەکا شین یا پیرۆز هەلدگرتن و ددانە کچەکا ئەسمەر و تژی ناف روحا وێ دلۆڤانی، ئەو تاکە بوونەوەر بوو د باژاری دا نەیا شین …
ئەسمەرەک بو چاڤێن وێ هەر رۆژەکێ رەنگەک بوون و دێمێ وێ مینا ئاخەکا ئالتونی یا کو تە هەر دڤیا دناڤ شینی دا تەماشاکەی.
درەنگی شەڤان، فریشتەیان گازی دکر، ئەوێ کچا هەمی ئاخ ب پارێزن، هەر بوونەوەرەک یێ ژ ئاخێ دروست بووی، ئەوێ مرۆڤێ ب پارێزن شین یێ ژ ئاخێ دروست بووی.
1/3/2016