دەمەکێ دڕێژە دیتن و هەبوونا خوینێ ل سەر پاتەکێ سپی د شەڤا بۆکینیێ دا ل بن سییا بۆکینیێ یا رایێخستییە ئەو پاتە تاکە بەلگەیە بۆ ڕاستی و پاقژییا مێینییێ دهێتە دیارکرن. وەکۆ کا چەوا تا نها ل سەرانسەری جیهانێ و تایبەتی د چاندا رۆژهەلاتا ناڤیندا هەر وسایە بەلێ د ڕاستی دا ئەڤ شاشییە بۆ چەندین ئەگەرا ڤەدگەرە، ئەو دیتن و ئەفسانەیا کۆ دبێژنێ پەڕدەیا کەچینیێ د رۆژهەلاتا ناڤیندا و ب تایبەتی کۆ هاتییە چاندن ژ ئالییێ زانستی ڤە چ بنەما بۆ نینە دبە کەچ د ئێکەم شەڤا بۆکینیێ دا خوینێ نەبینە، ژ بەر وێ یەکێ ئەو دەمە هاتییە وێ ئەفسانەیێ ژناڤ ببەین و ڕاستییا وێ خۆیا بکەین و چیرۆکا ڕاست لسەر لاپەران بنڤێسین. ئەوا دمینە د ڕاستی دا نەبوونا رەۆشەنبیرییا سکسیە و زاڵبوونا چاند و ئۆلییە لسەر جڤاکی و نابیت ئێدی کەچ وەکۆ ئالاڤ و ئامیرەکێ تێرکرنا حەزا بهێتە بکارئینان.
ب ئاوایەکێ دی دیتنا خۆینێ لسەر وی پاتەی و پەڕدا کەچینیێ ب پاقژی و حەیا شەڤا بۆکینیێ و دڕاندن ژ ئالیێ وی کەسیڤە، ئەڤ ژی دهێتە وێ واتایێ دەستهەڵاتی بدەیە دەست مێری و ئەو هەست ب سەروەریا خوە بکەت و ئەو ئێکەم کەسە مۆرا خوە لسەر پاڕچەکا کاغەزێ بدەت و روومەت بۆ وی بیت، ل ڤێرە پڕسیار ئەوە ئەرێ دڕاندنا وێ پەڕدێ و خوەشی وەرگرتن ژ وێ خۆینێ چ واتایا خوە هەیە ئەرێ ئەڤە وێ ڕامانێ دگەهینە مێراتی و پاراستنا روومەتێ یە یان ب ئاوایەکێ دی ئەرێ ڤەدگەرە بۆ ئۆلی یان ڤەدگەرە بۆ چاندێ، دنێرینا دکتۆر و فێمینیستا مسڕی نەوال سەعداوی دا دەما خۆیا دکەت “گەلو ئەگەر روومەتا ژنێ د وێ پاڕچا سێ گۆشی دابیت ئایا روومەتا مێری د کیڤەدایە چۆنکی د ڕاستی دا دەما نێر ژ دایک دبیت ئەو پەڕدەیە نینە ئەڤ ژی دهێت وێ واتایێ د خوەزادا نێر بێ روومەتە”.خۆیایە ئەڤ بابەتە چ د دەمێ خوەدا چ د نهادا هاتیە چێکرن بەلێ د ڕاستی دا پەردا کچینیێ د بنەرەت دا چ ڕاستی بۆ نینە، ئەگەر ئەم بهێین و پەڕدا کەچینیێ ب وێ یەکێڤە گرێدەین هەمی لەشی کەچێ د پارێزیت ل ڤێرەدا لینا مارۆنیس خۆەیا دکەت کۆ نۆژدارا سەرپەرشتیا ژنانە ل زانینگەها کارۆلین ل سۆنا “پەردا کەچینیێ نینە ئەگەر هەبایە کەچێ نە دکاری دەسپەڕێ ژی بکەت”. ئەوا هەی ب تەنێ پەڕدەیەکا تەنکە وەکی بازنەیەکێ یە ل دەورووبەرێن یۆن ڤاجایینێ و دبێژنێ بازنەیا ڤاجانییا. ئەڤە ژی ژ ژییەکی بۆ ژیەکێ دی دهێتە گۆهاڕتن بۆ میناک ل جەم پڕانییا کەچا ب تایبەتی ل جەم خۆرتان ئەڤ پەڕدا تەنک پڕانییا دەردوورێن ڤاجانییا دگریت. ددەمەکی دا لجەم گەلەک کەچان ب زەحمەت دهێتە دیتن.لینا مارۆنیس خۆیا دکەت”هەلبەت زانستێ پزیشکی دەمەکێ دڕێژە گەهشتییە وێ ڕاستییێ پەڕدا کەچینیێ چ هەبوون بۆ نینە بەلێ سەرکەڤتی نە بوویە کۆ دناڤ جڤاکی دا ب شێوەکێ پێتڤی بەلاڤ بکەت و جێگیر بکەت لێ گەلەک هەوڵ داینە بۆ خۆەیاکرنا ڤێ ڕاستییێ بەلێ گەلەک ئاستەنگ د جڤاکی دا هەبووینە کۆ وسا کرینە نکارین ب ئاوایەکی بکەن کۆ مە بڤێت ڕەنگە ڤییایە سکسواڵێتییا ژنێ کۆنترۆل بکەت و نەهێلیت ئازاد بیت خۆیایە هندەک ژن ژی دگەل ئەنجامدانا ئێکەم جووت بوونا سکسی خوین ژێ دهێت بەلێ ئەڤە ژی یاسایەک نینە بۆ هەمی ژنەکێ یا گۆنجا بیت.
ل گوڕی ڤەکۆلینەکا نۆ یا سۆێدی هەر پێنج ژن یەک ژن د دەما سکسکرنێ دا خۆین نینە، ب ئاواییەکێ دن چواڕ ژن د پێنج ژنا دا خۆینا هەی واتا ٪٢٠ یە واتایا وێ ئەوە کۆ دبێژن ددەما سکسکرنێ دا دڤێت خۆین ژ ژنێ بهێت ب تەنێ ئەفسانەیە نە زێدەتر، هەر وسا دبێژە ژ بەر وێ یەکێ ل جەم هندەک ژنا خۆین ژێ دهێت ڤەدگەرە بۆ وێ یەکی ڤەقەتیان دناڤا پەڕدەیا تەنک دایە د بازنەیا ڤاجاینێ ب خوەدا د پەڕدەیا تەنک و شانەیێن دەردوورا وێ دا چێدبیت لینا ئەڤ یەکە ب باشی زانی ڤێ ئەفسانەیێ ژناڤ ببەت کۆ ئەو ژی برێتتیە ژ وێ یەکێ ئەرێ چێدبیت د ڕێکا تەماشەکرنێ دا ئەو پەڕدا بچۆک بزانین کا ژنەکێ سکس کرییە ب ئاوایەکێ وسا ببیتە ئەگەرێ کۆنکرن و دڕاندنێ لینا دەربارەی ڤێ یەکێ دبێژیت خۆیایە گەلەک جاران کەچەکا خۆرت بەری شەڤا بۆکینێ دبەن و پشکنینێ بۆ دکەن حەیا پشت ڕاست دبن کۆ کەسەکی دەست بۆ نەبرییە و پەڕدەیا وێ ب پاقژی مایە! یان دناڤا چاندا مەدا پاتەک سپی هەبوو و سەرسپی ب ڕێیا وی پاتەی پاقژی و کەچیینا وێ کەچێ خۆیا دکر! ڕاستییا وێ ئەوە کۆ ئەڤ تشتە ب پشکنینا جینۆکۆلۆژی ناهێتە دیتن یان سەرسپێ پاقژییا وێ کەچێ خۆیا بکەت بڕێیا وی پاتەی ئەڤ پەڕدەیا تەنک تشتەک نینە مینا وێ کۆ پڕانیا خەلکی هزڕ دکەن هەسپسۆاری یان هاژۆتنا پایسکلێ وێ پەڕدێ کۆن دکەت و ناهێلیت، ب نێرینا ڤێ خاتوونێ هێلانا ڤێ ئەڤسانەییێ دناڤا خەلکی دا بڤی ئاوایە و هەمی دەمان ژی ژ ئالییەکی ڤەدگەرە پێتڤییا مێری ب وێ یەکێ هەیە کۆ سێکسواڵێتییە ژنێ کۆنتڕۆل بکەت ژ ئالییەکێ دن ڤە ژن بخوە ژی خوە دناڤا ڤێ لیستۆکێ دا یا هێلای. خۆیایە ژنێ ژی د هەمی دەما دا شێوەیێن جودا بکار ئینانینە کۆ خوە ژوی رەوشێ دەرباز بکەت بۆ میناک بکارئینانا خوینا گیانەوەرا یان بکارئینانا دەرزیێن بچۆک دناڤا لەشی دا کۆ ددەما ئێکەم سکسدا خۆین ژێ بهێت هەلبەت گەلەک داڤ و فێل هەبوون و دهاتن بکارئینان و خەلکی زوو زوو بکاردئینان. ئەڤ تشتە دهات زانین و دهەمان دەم دا حەنەک ژی پێ دهێتەکرن بەلێ د جیهانا ئیرۆ دا و د تیماڕگەها مۆدێرنەدا ئەڤ جوورێن کۆنان پرسگرێکان چێدکەت.
بۆ مینانک دەستکاریکرن ب ڕێیا جوانکارییێ د تشتەکی دا دکەن کۆ د ڕاستییا خوەدا چ هەبوون بۆ نەبیت واتایا وێ ئەوە کرنا کاڕەکی کۆ چ پێتڤی پێ نەبییت.
ب بووچوونا لینا مارۆنیس کۆ ڤێ یەکێ ب باشی دزانیت و ڤان نشتەگەرییا دکەت بەلێ ڕاستییا ڤێ یەکێ ئەوە دڕینا ڤێ پەڕدەییا لینج کارەکێ ب زەحمەتە (چونکی وەکۆ وێ یەکێ یە کۆ توو بخوازی نیڤشکی ب دووری)، ئەڤێ وسا کرییە خەلک لدووڤ چارەسەریێن دن بگەرە بۆ میناک هندەک دچن دەڤێ ڤاجایینا بچۆک و تەنگ دکەن کۆ ئەڤ د ڕاستییدا تشتەکێ باش نینە و ددەما سکسکرنێ دا ئازاڕا وێ گەلەکە.
لینا مارۆنیس وسا خۆیا دکەت خۆەزایێ ب وی ئاوایی ژن چێنەکرییە وەکۆ وێ کاڕتۆنێ بیت یا نەهاتییە ڤەکرن و ل بەندا کەسەکێ بیت حەتا بهێت و ڤەکەت.
د ڕاستی دا ئەگەر ئەم بەحسا پرسگرێکێن ڤێ دیاردەیێ بکەین دناڤ جڤاکێ کوردی دا و تایبەت ل جەم مە کوردان خۆیایە بەری وێ یەکێ کەچێ خۆشڤیانی هەبوویە و کارێ سکسی کریە و پەڕدە نەمایە و پەیوەندی نەمایە ژ تڕسا مالا خوە و جڤاکی پەنایێ بۆ نۆژداری و نشتەگەریێ دبەن و ئەڤ یەک دبیتە ئەگەر کۆ کەچ دەرەوێ بکەت. لێ د ڕاستی دا وێ کەچێ چ ڕێکێن دی نامین، پەنایێ بۆ دکتۆری دبەن ئەگەر نشتەگەری نەبیت بێ یەکۆ دوو جانێ وێ مرنە. ئەگەر ئەم لێ بنێرین جۆداهییەک مەزن هەیە دناڤ بەرا کەچ و کۆران دا میناک گووتنەک هەیە دبێژن ( کۆڕ سەرێ وی یێ کەچەلە) یان (ژن وەکۆ شۆشەیە دەما دکەڤیت دێ شکێت) ئەڤ گووتن وێ ڕێکی بۆ مێری خوەش دکەت لسەر ژنێ زاڵ بە. گەلۆ چارەسەریا ڤێ دیاردێ چییە و چاوا ئەم دکارین وێ ئەڤسانێ بدەین خۆەیاکرن دەرەوە هەلبەت دڤێت ڤەگەڕینە زانستی و ڕەشەنبیریا سکسی و ڤێ ڕەوشەنبیریێ ل جەم تاکی دڕۆستکەین و بکەینە بنەما بۆ وێ روومەتێ یا کۆ مێر شانازیێ پێ دبەت و خۆیا ببیت روومەت نە دناڤا پەڕدە و پارچەکا گۆشتی دایە و دڤێت ب کووری لسەر پەیڤا روومەت ب ڕاوەستین. ئەرێ د ڕاستی دا شەرەف د پەڕدا کەچیینیێ دایە و هەمی روومەتا کەچێ د وێ پەڕدێ دایە ئەوا دناڤا جڤاکی دا دهێت بەحسکرن ئەرێ پەڕدەیا کەچینیێ ئاڕمانجا وێ کۆنترۆلکرنا سکسسوالیتیا ژنێ نینە؟ ژ بەر کۆ ئەڤ دیاردەیە وەکۆ شەڕەفا ماڵباتی دنێڕن نە وەکۆ مرۆڤەکا سەربخوە.ئایا پاقژی و کرێتییا مرۆڤی یە. بەلێ گەلەک کەس دگەل ڤێ نێرینێ نینن کۆ شەرەف پەڕدەیەک بیت یا بێ بنەما میناک پڕانییا رۆژئاڤاییا لسەر ڤێ هشی ناڕاوەستن دەمەکێ درێژە ئەڤ چاندە ژناڤ برییە.
ل داوییی ئەرێ ئەڤ پەڕدەیە چ واتایەک هەیە د چاندا کوردی دا کۆ بەرییا چەند ساڵا کۆرەک رابوویە ب ڤیدیۆکرنا هەڤپشکا خوە کۆ پەردا کەچینیێ نینە و د ڕاستی دا ل داوێ دەر دکەڤیت ڤێ کەچێ د بناغەدا پەڕدە نە بوویە؟
