Loading

١

چیرۆكنوس؛ سه‌ید شاڵاو

_ ئەلو…ئەلو…ئەلو…سەلمان.

_ بەڵێ‌.

_سڵاو.

_ سڵاو لەتۆش.

_ هەموو شتێك ئامادەیە بۆ بەیانی؟

_ بەڵێ‌ ئامادەیە.

_ ئەی هاوڕێیان ئامادەن؟

_ ئەوانیش ئامادەن.

_ دڵنیایت؟

_ بەڵێ‌

_ تۆ قسەت لەگەڵ كردن؟

_ بەڵێ‌.

_ ئەو شوێنانەی بۆی دەچین دەستنیشانكراوە؟

_ بەڵێ‌…بەڵێ‌. هەموو شتێك ئامادەیە. دەكرێت كەمێك لەسەر خۆبیت, ئارام بەرەوە.هەموو شتێك باشە.قسەمان لەسەر هەموو شتێك كردووە.

_ زۆر پەرۆشم!

_ هیچی دیكەت پێویست نییە؟

_ نەخێر ….نەخێر…..سپاس, خودا حافیز.

_ خوات لەگەڵ.

_ بوەستە بەیانی كاتژمێر چەند ئامادە دەبن؟ بەبۆچونی من كاتژمێر هەشتی بەیانی باشە.

_ ئەو كاتە زۆر زووە كەس لەو كاتەدا بێدار نییە. تۆ دونیات بینیوە . كاتژمێر یازدەی بەیانی ئامادەبە.

_ ئەو كاتە درەنگ نییە؟

_ نەخێر, بگرە زووشە.

_ باشە؟

_ باشە…

كۆبونەوەی هاوڕێیان و تەی كردنی هەموو كوچەكانی شار, بەمەبەستی پیاسە و سەرگەرمی و كات بەسەر بردن.ناتوانم چاوەڕێ‌ بكەم بەڕاستی بەچێژە. ئەو شەوە لەناو جێگەدا بێدار بووم و گینگڵم دەدا.. بۆ ساتێكیش چییە خەو چاوەكانمی لەتاریكیدا نوقم نەكرد. بۆ بەیانییەكەی كاتژمێر هەشت لەناو جێخەوەكەمدا هاتمە دەرەوە . خۆم ئامادە كردو و جوانترین پۆشاك و بۆنی خۆشم بەكارهێنا. زۆری ویست تاكات گەیشتە یازدەی  بەیانی.    لەو ماوەیەدا بۆ ساتێكیش لەبەرامبەر كاتژمێرەكەدا نەجوڵام. كات لەجێی خۆی وەستا بوو نەدەجوڵا, وەلێ‌ زەینم هەمیشە لەجوڵەی ئەو ڕۆژەدا بوو.

 

 

٢

فرانسیس به‌یكن؛ دوو فیگور له‌گه‌ڵ مه‌یمونێكدا
Francis Bacon’s ‘Two Figures
with a Monkey’ -1973

كاتژمێر یازدە لەناو بازاڕدا ئامادە بووم. بەردەركی سەرا شوێنی یەكتر بینینمان بوو.بینیم پێكڕا هاوڕێیان ئامادەییان هەیە .گەیشتن بەدیداری یەك و سڵاو و ڕوومەت ماچكردنی گەنجانە دەستی پێكرد.بۆ قاوەڵتی هەموو پێكڕا بەرەو چایخانەیەك هەنگاومان هەڵهێنا. هەموومان تەنها چاییەكمان خواردەوە. دواتر كاتژمێر یەكی پاش نیوەڕۆ بەرەو چێشتخانەیەك بەڕێكەوتین و خواردنێكی قورسمان خوارد. دوایی بەرەو چایخانەكەی بەیانی گەڕاینەوە. چایچیەكە چاییەكی بۆ هێنام و لەبیری كردبوو شەكری لەناو بنێت، یاخود لەگەڵ كەسێكی دیكەدا لێی گۆڕا بوو نازانم؟

یەك قومم لێدا یەكسەر بەبێ‌ هۆ دەهری بووم و گووتم: چایچی هەتا ئێرە وەرە!

_ فەرموو بەڕێز…

_ ئەم چاییە چییە؟

_ نازانم، ئەوە چایە…

_ چایی،  چایی چی ئەمە زەهرە، زەهر!

_ زەهری چی كاكە، ئەوە چاییە…

_ بۆ شەكرت تێنەكردووە؟

_ لەیادم كردووە، ببورە هەرئێستا چاییەكی دیكەت بۆ دەهێنم…

_ تازە ناخۆم لەجەوت دام…

_ شوێنەكە جەنجاڵە، جارجار ئەو شتانە ڕودەدەن…

_ ئاخر كەس نەمابوو من نەبێت؟

_ خەجاڵەتم…

_ بەڵێ‌ هەر دەبێت خەجاڵەت بیت…

_ وتت چی! ببورە. ئەتوانیت هەستیت بچیتە دەرەوە…

_ چی, وتت چی، درەوەی چی؟

_ وتم بۆ دەرەوە…

_ باش گوێتم بەرێ‌، من هیچ بەزەییەك لەدڵما بونی نییە، هەستم خراپت پێ‌ دەكەم.

_ ئادەی بزانین چیت لەدەست دێت؟

 

ئیدی لەو كاتانەدا هاوڕێیان  و چایخۆرەكان هاتنە نێوانەوە و ئاوێكیان كرد بەسەر ئەو ئاگرەدا. وەلێ‌ ئەگەر وانەبوایە من زۆر خراپم بەسەر دەهێنا. من هیچ بەزەییەك لەدڵما شك نابەم. لەپاش قڕە قڕ و هات و هاوارێكی زۆر لەچایخانەكەدا هاتینە دەرەوە.

 

بێگومان گەڕانی چەند گەنجێك بەناو بازاڕدا بەدوور نییە لە لاساری و پلار هاویشتن لەكچان و جنێودان بەیەكتر و چەتونی. كاتمان بەنەشئەو و سەرگرمی بێئەندازە خۆش لێدەگوزەرا. تاوەكو كاتژمێر  پێنجی دەمەو ئێوارە.

ژیان جوانە، وەلی ڕووداوەكانی پێشبنینەكراوە، لەناو جەنجاڵی بازاڕدا بەڕێكەوت چاوم كەوت بەكچێكی منداڵی بچكۆلانە. تەمەنی لەنێوان چوار، پێنج ساڵێك دەبوو. هاوشێوەی فریشتەكان عەزییەكی سپی پۆشیبوو، بەحەسرەتەوە هەنسكی هەڵدەڕشت. سەر كوڵمەكانی لەناو ئەو پێستە سپییە ناسكەدا سوور  وەك خوێن داگەڕابوو. سێ‌ پیاوی كەتەی كەلە زلی سەر كەچەڵ كەپێكڕا هەر سێكیان چاویلكەیەكی ڕەشیان لەسەر سەریان نابوو، پیاوەكان بەقات و پانتۆڵ و سمێڵی زلی بۆیاخكراو دەوری كچە خنجیلانەكەیان دابوو. دانەیەكیان بە چیچكانەوە و دووانەكی تریشیان بەپێوە، چواردەوری كچە خنجیلانەكەیان گرتبوو. سمێڵیان بادەدا.

من لەو كاتەدا لەبەر سەرگەرمی خۆم نەمپڕژایە سەر هۆكاری ئەسرینەكانی ئەو كچە خنجیلانە و گوێم بە هەناسە ساردەكانی نەدا و وێڵم كرد.  تەنها یەك شتم بەر گوێ‌ كەوت پیاوەكان پێكڕا دەیانگوت: مەترسە، مەگریی…

ڕۆژمان بەدوماهی هێنا، هێشتا مەستبوون و  قاقا بەردەوام بوو. شەوەكەی پێكڕا بەرەو شەقامی سالم بەڕێكەوتین. تا كاتژمێر دوازدەی شەو ماینەوە.كات تەوا گەیشتە كۆتایی، هەر لەوێوە ماڵئاوایمان لەیەكدی كرد. ئەو ڕۆژە لەبیر نەكراوە كۆتایی هات. دوبارە شەو و تەنیایی دەستی پێكردەوە.

 

 

 

٣

بەرەو ماڵەوە ڕێم تەیكرد. ئەندامانی خێزانەكەم لەخامۆشی شەودا هەمویان لەغوڕابی خەودا بوون. بە یارمەتی ئەو كلیلە زیادەی كە هەمیشە پێم بوو دەرگای ماڵم كردەوە و چوومە ژوورەوە. كەسم لەناو ماڵەوەدا لە خەو نەكرد. تاكو ژورەكەی خۆم نەوەستام.  ئەوەندە خەستە بووم دەمویست یەكسەر بخەوم.  گڵۆپی ژورەكەم كوژاندەوە و یەكسەر خۆم هەڵدایە سەر تەختی خەوەكەم، زۆر ماندوو بووم.

فرانسیس به‌یكه‌ن؛ بانگكردنه‌وه‌ی ژن – ١٩٦١ – زه‌یتی له‌سه‌ر كه‌نڤاس-
Francis Bacon Reclining Woman 1961 Oil on canvas x Tate – bacon

بێجوڵە لەسەر پشت لەسەر تەختە خەوەكەم ڕاكشابووم. لەفكران ڕاچووم، لەناكاو خەیاڵم چووە سەر ڕووخساری كچە خنجیلانەكە! وێنەی ئەو كاتەی ئەسرینی هەڵدەڕشت لەزەینمدا چەقی و دەرنەدەچوو.

بێ جوڵە مابومەوە، سات بە سات غەمێكی قووڵی بەرگەنەگیراو سەراپای جەستەمی دەخوارد، نەمدەتوانی زیاتر بەرگەبگرم. تەنیای ی غەم و شەو وەك خوڕەی جۆگەیەكی ڕەوان  گۆرانییان بۆ ڕۆحم دەوت. هۆشم نەمابوو، ڕووخساری ئەو كیژە لەزەینمدا دەرنەدەچوو!

چاوم كراوە  یاخود داخراو بوایە، تەنها وێنەی ئەو كچە خنجیلانەم دەبینی. غەم سەراپا تەختەخەوەكەشمی گرتەوە. نەمدەتوانی لێكی بدەمەوە؛ ئەم ئازارە لەئێستادا بۆ وەك دومەڵ لەگیانمدا هەڵتۆقی؟ چما من ئەمڕۆ ڕۆژێك نەبوو لە خۆشترین ڕۆژەكان بەدرێژایی تەمەنم؟ ئەم دەروونە ناجێگیرە بۆ؟ ئەو هەستە لەكوێی لەشدایە وا بەویستی خۆی دەمژەنێت. لەوە زیاتر خۆم پێنەگیرا و بڕیارم دا ئەوەی ئەمڕۆ بەچاوی خۆم بینیومە و چەشتومە بینوسمەوە. هەستام لەچەكمەجەی  تەنیشتی تەختی خەوەكەم دەفتەر و قەڵەمێكم دەرهێنا و لەگەڵ خۆم هێنامەوە سەر تەختی خەوەكەم.

 

ئەوەی لەو ڕۆژەدا هاتبوویە بەر دیدەنم لەنووكەوە نوسیمەوە، كەمێكی تر پاڵكەوتم. تادەهات غەمگینیەكەم  زیاتر و زیاتر دەبوو، تووشی ژانە سەرێكی توند هاتم، نەمدەتوانی لەوە زیاتر لەناو ژوورەكەمدا بمێنمەوە. دەفتەرەكەم لەسەر تەختەخەوەكەم بەجێهێشت و بڕیارم دا بچمە سەر سەر بانی ماڵەوە و هەوایەكی پاكژ هەڵبمژم، بەوهیوایەی دەروونم بەرەو باشتر و جێگیرتر بڕوات!

 

 

 

٤

تاریك و ڕوونی بەیانی بوو كه‌  لەبەردەم ماڵی باوكی هەستیار دا چەند كەسانێك كۆبونەتەوە؟     تەقە لەدەرگای ماڵی باوكی هەستیار  درا. باوكی هەستیار بەجلی خەوەوە هاتە دەرەوە  و بەپڕتاو بەرەو ڕووی قەرەباڵغیەكە ڕۆیشت . بینی لاشەی هەستیاری كوڕی بەپۆشاكی درەوەی ماڵ لەتەنیشت دیواری ماڵەكەدا كەوتووە، خوێنێكی وشكەوە بووی تۆخی خەست لەسەر زەوییەكە لەپشتی سەریەوە ڕژاوە.

 

دوای هەڵگرتنی لاشەكە و هێنانەوەی بۆ ناو ماڵەوە, بەرەو ژورەكەی هەستیار ڕۆیشتن. لەناو ژورەكەدا گڵۆپێكی بچووك بەساپیتەی ژورەكە لەسەرەوەی تەختەخەوەكەوە  هێستا داگیرسابوو و ژووره‌كه‌ی ڕووناك كردبۆوه‌.  تیشكی ڕوناكیەكە ڕێك دەیدا لەسەر سەرینەكەی هەستیار.، لەسەر تەختەخەوەكەش دەفتەرەكەی هەستیار دۆزرایەوە. لەكۆتا دێڕدا نوسرابوو؛لەدوای تۆ، بەبێ‌ بوونی تۆ زەوی جێگەیەك نییە بۆ ژیان…

 سلێمانی –    28/9/2019

 

 

 

تایبه‌ت به‌ كولتور مه‌گه‌زین
ته‌نها دانانی لینكی بابه‌ت ڕێگه‌پێدراوه‌.