Shameran Mohamed Fatih, Kurdish-colour-workshop-. 2009

ژوورکاری ڕەنگی کوردی

ژوورکاری ڕەنگی کوردی 

کات: نۆڤەمبەری ٢٠٠٩

شوێنی نمایش: مۆزەخانەی هونەری هاوچەرخ لە سلێمانی

ژوورکارەکە  Workshop  لەم بەڕێزانە پێکهاتبوون؛  میشایل فیەر پرۆفیسۆری ئەڵمانی لە زانکۆی هونەر لە بەرلین، بە هاوکاری شیروان خان وشێرکۆ عەباس کاریان تیدا کردووە. 

میشایل فیەر ڕێکخەرو سەرپەرشت  بە هاوکاری شیروان خان وەک جێگری ڕێکخەر، وە شێرکۆ عەباس وەک ڕێکخەری ئیداری  پێکەوە کاریان تێدا کردووە بەڕێوبەرایەتی هونەری شێوەکاری سەر بە وەزارەتی ڕۆشنبیری پاڵپشتی دارایی ژوورکارەکەی کردووە.

وێنەی کارەکان لە ئەرشیفی ڕێبین مەجیدەوە وەرگیراوە

 

هەندێک لە وێنەکانی تر وەک  وێنەی لێکۆڵینەوەی هونەرمەندان وتێکستەکانیان لەو لینکەوە وەرگیراوە کە بۆ ۆرک شۆپەکە، میشایل فیەر Michael Fehr دروستی کردووە 

http://kunsthalle-berlin.org/Kurdistan/welcome.html

زانیاری کارکردن لە سەر ۆرک شۆپەکە، ژوورکارەکە،  هەر لە هەمان لینک و لە (شێرکۆ عەباس)ەوە وەرگیراوە

 

ژوورکاری ڕەنگ، ۆرکشۆپی ڕەنگ،  یاخود  ڕەنگی کوردی لە ٩ بۆ ١٥ی نۆڤەمبەری ساڵی ٢٠٠٩ لە سلێمانی بە بەشداری  پازدە هونەرمەند، جیاواز  لە ئاست و تەمەن و شێوازی کارکردنیادا ئەنجامدرا. بابەتی کارکردن لەم  ژوورکارەدا `ڕەنگ` بوو، ڕەنگ لە کولتوری کوردیدا. هەڵبەت پاش گفتوگۆ وسمینار، لێکۆڵینەوە و گەشت لەسەر بابەتەکە بە گشتی، ئەنجامی ژوورکارەکە و کاری هونەرمەندانی بەشداربوو لە مۆزەخانەی هونەری هاوچەرخ لە سلێمانی پیشاندرا.

کورد کێیە؟ بەشداری هونەری ڕەسەنی کورد بە کولتوری جیهانەوە چییە؟  ئەم پرسیارانە بابەتی سەرەکی  ژووری کارە هونەریەکە بوون، کە ئامانجی ئەوەبوو پشتیوانی تاکی کورد بکات بۆ لێکۆڵینەوە و گەڕان بەدوای ناسنامەی خۆیدا، تاوەکو ئەو شوێنەی دەگاتە خودناسین،  دوور لەوەی کە دژایەتی و نەتەوەپەرستی پاڵنەری بێت. هەربۆیە ۆرک شۆپەکە، ژوورکارەکە، بەشێوەیەک ڕێکخرا کە بتوانێت لە هەموو لایەنێکەوە شتێکی تایبەت، دەگمەن، ئەرێنی وە پێکهاتەیەکی دروستکەر لە کولتوری کوردیدا بدۆزێنەوە یاخود بیناسێتەوە کە ونبووە و وێران کراوە، یاخود بە هۆی جەنگە یەک لە دوای یەکەکانەوە و هەروەها بە هۆی گەشەی خیرا و بەدیجیتاڵکردنی شارەکانەوە تێپەڕیوە.

بیرۆکەی ژووری کارەکە، ۆرکشۆپەکە، ئەوەبوو کە بەدوای ڕەنگی کوردیدا بگەڕێی لە مێژوو ولە ئێستادا وە بەتایبەتی لەو ڕەگەزانەی کە تایبەتە بە کولتوری کوردی لە کۆنەوە تا ئەوەی ئەمڕۆ ڕۆژانە هەیە. هەربۆیە هەنگاوی یەکەمی ۆرکشۆپەکە سەرەتا بەگەشتێک دەستپێکرد بۆ مۆزەخانەی ڕستن وچنینی کوردی لە هەولێر کە هەموو هونەرمەندانی بەشداربوو لە گەڵ سەرپەرشت و ڕێکخەرانی پرۆژەکە پێکەوە ئامادەی بوون. لەوێ بەشداربوان بەسەرپەرشتی “لۆلان سیپان“ بەرێوەبەری مۆزەخانەکە، توانیان زانیاری زۆر کۆبکەنەوە لەسەر ڕەنگ لە فەرش وقوماشی کوردیدا. هەر لەوکاتەداو لەگەڵ وەرگرتنی زانیاریەکاندا بەشداربوان  چەند ئەزموونێکیان لەگەڵ ڕەنگدا ئەنجامدا .

هەنگاوی دووەم، کۆکردنەوەی `خۆڵ` بوو لە شوێنی جیاواز لە دەرەوەی شاردا، کە هەر هەمان ڕۆژدا و لە کاتی گەڕانەوە لە هەولێرەوە بۆ سلێمانی ئەنجامدرا. ئەمانە هەمووی بە ئومێدی ئەوەی کە کەتەلۆگێک بۆ ڕەنگی کوردی دروستبکرێت. پاش ئەمانە ئەو ئەزمونە تاکە کەسی وتوانا هونەریانەی کە بەشداربوان هەیانبوو هەرکەس لە لای خۆیەوە لە ڕێگەی گەڕان و کارکردنی خۆیەوە گەشەی پیدابوو دەربارەی ڕەنگ بەدیاریکراوەی و لە کۆنتێکستی سلێماندا، لە مۆزەخانەی هونەری هاوچەرخ لە سلێمانی ئەنجامی کارەکان و گەرانی کاری پازدە هونەرمەند پێکەوە نیشاندرا. شایەنی باسە ئەوکاتە مۆزەخانە هێشتا هەر کاری تێدا دەکرا، واتە بینایەکی تەواو نەبوو بوو.

بۆ زانیاری زیاتر دەربارەی ۆرکشۆپەکە شێرکۆ عەباس وەک یەکێک لە ڕیکخەرانی پرۆژەکە بۆ `گەلەری سفر` هونەر دەدوێت

 ( دەنگەکەی شێرکۆ لێرەدا دادەنێێن)

 

 

 

 

هونەرمەندانی بەشداربوو:

 

ئازەر عوسمان

پشتێنی کوردی

کارکردنم لەسەر پشتێنە کە بە پێێ ناوچەکان و شێوە و ئارەزووی ڕەنگی شوێنەکانە، وەک نموونەی( شارەزوور، پشدەر،هەولێر، قەرەداغ، هتد). هەر ناوچەیەیەک ڕەنگ و جۆری زەخرەفە و بابەتیان جیاوازە، کە ئەمەش کاریگەری ناوچە و شوێنەکە دروستی دەکات. واتە هەر ناوچەیەک سروشت و ڕەنگی خۆی کاریگەری لەسەر جل وبەرگ وپشتێن جێدەهێڵێت.

Azar Osman -Kurdish-colour-workshop-. 2009

 

 

Azar Osman -Kurdish-colour-workshop-2009

 

 

 

 

 

ئاریان ئەبو بەکر

بێ ناونیشان

کارەکە حەوت چوارگەشەبوون کە ھەندێکیان بە قوماش داپۆشراون وە لەسەری نوسین هەیە. ھەریەکەیان ڕەنگێکی جیاوازی وەرگرتووە. ئەم حەوت مکعەبە میتافۆرێک بوو بۆ حەوت ڕۆژەکەی ھەفتە.

 

Arian Abubaker, Kurdish-colour-workshop-. 2009

 

Arian Abubakr, Kurdish-colour-workshop-. 2009

 

 

بەهار کامگار

لەگەڵ ڕەنگی کوردی

 

Bahar Kamgar, Kurdish-colour-workshop-. 2009
Bahar Kamgar, Kurdish-colour-workshop-. 2009

 

 

 

 

یادگار ئەبوبەکر

سێ ڕەنگی کوردی

کۆکردنەوەی ڕەنگ، بە تایبەتی ڕەنگی سور و ڕەش و زەرد، کە لە چیرۆک وگێڕانەوە و پەند و نازناوە کوردیەکاندا بەکار هاتووە. کارکردنم لەسەر ئەو بەشەیە کە چۆن مانا دراوە بەم ڕەنگانە،  چی بۆچونێک هەبووە بۆیان و چۆنیش بەکارهاتووە.

 

Yadgar Abubaker, Kurdish-colour-workshop-. 2009

 

Yadgar Abubaker, Kurdish-colour-workshop-. 2009

 

Yadgar Abubaker, Kurdish-colour-workshop-. 2009

 

Yadgar Abubaker,Kurdish-colour-workshop-. 2009

 

 

 

 

 

نەرمین مستەفا

ڕەنگی پارتە سیاسیەکان لە کوردستان ١٩٩٢- ٢٠٠٩

 تێکەڵکردنی ڕەنگەکان بە پێوانەی یەکسان، بە پێی ڕەنگی لیستی پارتە بەشداربوەکان لە پرۆسەی هەڵبژاردندا، لە ماوەی سێ هەڵبژاردندا. بێگومان هەر جارە و بە پێی هاتنە ناوەوە و بەشداری لیستێکی نوێ بە ڕەنگێکی نوێ لە هەڵبژاردندا بە زیادکردنی ئەو ڕەنگە نوێیە تێکەڵەیەک بە قەبارە و تۆنی جیاواز دروستدەبێت.

Narmin Mustafa,Kurdish-colour-workshop-. 2009
Narmin Mustafa,Kurdish-colour-workshop-. 2009

Narmin Mustafa,Kurdish-colour-workshop-. 2009
Narmin Mustafa,Kurdish-colour-workshop-. 2009

 

 

 

 

ڕێبین مەجید

ڕەنگ لە گۆرانی کوردیدا

کاری من لەسەر کۆکردنەوەی بەشێکی ئەو گۆرانیانەیە کە تێکستەکانیان ڕەنگی تێدا بەکارهاتووە. مەبەستم لە دۆزینەوەی وێناکردنی کوردە لە گووتنی گۆرانی لە بەکارهێنانی ڕەنگەکاندا. بە تایبەتی گۆرانیم هەڵبژارد کە وەک یەکێک لە بە هێزترین کایەکان لە کولتوری کوردیدا تۆمارکراوە.

لەم دەنگەی خوارە وە دەتوانن گوێبیستی کارەکەی ڕێبین بن.

 

 

Rebein Majid , Kurdish-colour-workshop-. 2009

 

 

Rebein Majid , Kurdish-colour-workshop-. 2009

 

 

Rebein Majid , Kurdish-colour-workshop-. 2009

 

 

 

ڕۆستەم عەزیز

ڕەنگەکانی ڕۆژنامە لە سلێمانیدا

ئەم ئیشە بریتیە لە دەستنیشانکردن و هەڵبژاردنی ئەو ڕۆژنامانەی کە لە شاری سلێمانی دەردەچن بە حیزبی و ئەهیلیەوە. لە ناو ئەمانەدا، ڕۆژنامە حیزبیەکان ئەو ڕەنگە دەکرێت کە گوزارشت لە بیروڕای خاوەن حیزبەکە دەکات. پەڕەی ئەو ڕۆژنامانەی کە ڕەنگ ناکرێت، ڕۆژنامە ئەهلییەکانە کە وەک خۆیان دەهێڵرێنەوە.

Rostam Aziz , Kurdish-colour-workshop-. 2009

 

 

ڕۆژگار مەحمود

کۆنترۆڵکردنی ڕەنگ

ڕەنگ لە ناو پەروەردەدا

پەیوەندی لە نێوان ڕەنگ و پڕۆسەی خوێندن دا، ئەو ڕەنگانە کامانەن کە پرۆسەی خوێندن لە خوێندنگە ناوەندی ودواناوەندی یەکاندا پەسەندی دەکەن؟ تا چەند کاریگەری وەرگرتن و فێربوون پەیوەندی بە هەڵبژاردن و دیاریکردنی ڕەنگەوە هەیە؟

 

Rozhgar Mahmood, Kurdish-colour-workshop-. 2009
Rozhgar Mahmood, Kurdish-colour-workshop-. 2009

 

 

 

ڕۆشنا ڕەسول

پەیکەرەکانی سلێمانی قسە دەکەن

دروستکردنەوەی هەندێک لە پەیکەرە دانراوەکانی ناو شاری سلێمانی

وەرگرتنی هەندێک لەو پەیکەرانە لەگەڵ قەبارە و فۆڕم وئەو مادەیەی کە لە دروستکردندا بەکارهاتووە، ئەو شوێنەی کە لە ناوشاردا پەیکەرەکەی لێ دانراوە وە ئاماژەکردن بۆ ناوی ئەو هونەرمەندانەی کە پەیکەرەکانیان دروستکردووە.

هەنگاوی جێبەجێکردنی کارەکە

وێنەگرتنی پەیکەرەکان و وەرگرتنی زانیاری دەربارەیان

دروستکرنی ئارمێچەرو قاعیدە

دروستکردنەوەی پەیکەرەکان بە بچوکی بە بەقوڕ (ماکێت)

وێنەگرتنی پەیکەرەکان لە کۆتایدا

نوسینی زانیاریەکان دەربارەی هەریەکێک لە پەیکەرەکان

ئەوەی تێبینیمکرد لە کاتی کۆکردنەوە و کارکردن لەم ئیشەدا، ئەوە بوو کە زۆرێک لە پەیکەرەکان لەلایەن پیاوەوە دروستکراون. پەیکەرەکان زیاتر بۆ کەسایەتییە دیارەکان بوون. ئەو مادانەی کە لەدروستکردنیاندا بەکارهاتووە جیاوازن. چەنین پەیکەر لە ٢٠٠٩ دا دانراون. شایانی باسە  زانیاری زۆر دەربارەی پەیکەرەکان نییە؛ ناوی پەیکەر، ساڵی دانان وشوێنی دانانی، ناوی هونەرمەندەکەی دروستیکردووە لەگەڵ مادەی بەکارهاتوو لە پەیکەرەکەدا ئەمانە زانیاریەکان بوون.

 

,Roshna Rasul, Kurdish-colour-workshop-. 2009
,Roshna Rasul, Kurdish-colour-workshop-. 2009

 

سەعید ئیسماعیل

ڕەنگەکانی شار

بیرۆکەی ئەم کارە لەسەر ڕەنگی خانوەکانی سلێمانیە

باس لەو گۆڕانگاریە یە کە بەسەر ڕەنگی خانوەکاندا هاتووە

لێرەدا من دەیگەڕینمەوە بۆ زەمەن، کە چۆن ئەو کەرەستانەی کە بەکارهاتوون ببوونە ڕەنگی خانوەکان بێ ئەوەی ڕەنگی دەستکردیان تیدا بێت، تاوەکو ساڵانی دوای ٢٠٠٠ کە ڕەنگ بە شێوەیەکی ڕاستەوخۆ دەکەوێتە ئەو کەرەستانەوە.  بە هۆی کەرەستەکانیشەوە ڕەنگی جوراوجۆر دێتە ناو خانوەکانەوە. دواتر ڕەنگی جوراوجۆر بەکاردێت بۆ داپۆشینی دیوارەکان، لابردنی ڕەنگی کەرەستەکە.

 

Saeed Ismail, Kurdish-colour-workshop-. 2009

 

 

Saeed Ismail, Kurdish-colour-workshop-. 2009

 

 

 

ساکار سڵێمان

شین: چاوی پیس

بیرۆکەی ئیشەکەم لەسەر ڕەنگی شینە لە کۆمەڵگەی کوردەواریدا. وەک هێمایەک بەکاردێت لە چەند تۆنێکی جیاوازدا کە چەند زۆربن بە هەمویان یەک مانایان هەیە ئەویش تایبەتە بە چاو پیسی.

 

 

Sakar Slemanl, Kurdish-colour-workshop-. 2009

 

 

Sakar Slemanl, Kurdish-colour-workshop-. 2009

 

 

شەمێران محەمەد فەتاح

لە بازاڕ: جلی کوردی بۆ پیاوان و ژنان

بە وێنە گرتن سوودم لە دوکانی قوماشی ژنان و پیاوان لە ناو بازاڕی کوردیدا وەرگرتووە. لەم کارکردنەوە بۆم ڕوونبۆوە کە جیاوازی یەکی زۆر هەیە لە هەڵبژاردنی ڕەنگ لە نێوان ژنان و پیاواندا. زۆرترین ڕەنگ لە قوماشی ژناندا دەبینرێت، بە پێچەوانەوە چەند ڕەنگێکی نزیک لەیەک، بە شێوەی لەیەکچوو دیاریکراو لە قوماشی پیاواندا دەبینرێت.

 

Shameran Mohamed Fatih, Kurdish-colour-workshop-. 2009

 

 

 

Shameran Mohamed Fatih, Kurdish-colour-workshop-. 2009

 

 

شەبەنگ ڕەحمان

بێ ناونیشان

کۆکردنەوەی کۆمەلێک ڕەنگ لە ڕێگەی بەردەوە، کە هەریەکەیان بۆ مەبەستێک بەکاردەهێنرێن. لە کولتوری کوردیدا ڕەنگی جیاوازیان هەیە وەک بەردی هێنانی بەخت، بەردی ڕزق، بەردی زەردووی و نەخۆشی زۆری تریش.

 

Shabang Rahman, Kurdish-colour-workshop-. 2009

 

Shabang Rahman, Kurdish-colour-workshop-. 2009

 

 

Shabang Rahman, Kurdish-colour-workshop-. 2009

 

 

شیروان فاتیح

ئیستاتیکی ڕەنگی بیناکانی سلێمانی

Shirwan Fatih, Kurdish-colour-workshop-. 2009

 

 

زانا ڕەسول

پیاوە شینەکە

سوری جەرگی ( محەمەد ناکام)

ڕەنگی شین لە خەیاڵی کەسێکدا دابەشدەبێت بەسەر ڕەنگەکانی تردا؛ شین بۆ سور، شین بۆ پرتەقاڵی، شین بۆ زەرد، شین بۆ ڕەش، شین بۆ مۆر

ئەم ڕەنگانە لەناو یەک ڕەنگ دا کە ڕەنگی (شین)ە پێناسەیان بۆ دەکرێت.

 

Zana Rasul , Kurdish-colour-workshop-. 2009

 

تەواو

 

تێبینی: `کولتور مەگەزین` لەم  بابەتەدا  لە بەرامبەر دەستەواژەی (ۆرک شۆپ – Workshop)   دەستەواژەی (ژوورکار) بەکاردێنن، کە لەڕووی کۆنسێپت و بەکاربردن و ماناوە نێزیکە لەو شوێنەی کارێکی تایبەتی لێ دەکرێت،  بێگومان کوردی وەک هەموو زمانێکی زیندوو و پڕ فۆنەتیک و مانا و موزیک دەبێت چەمک و دەستەواژە جێگرەکانی خۆی هەبێت لەبەرامبەر دەستەواژە لاتینی و جیهانیەکاندا، بێگومان بە دانانی وشە ئەسڵیەکە لە کەوانەیەکەدا وەک خۆی.

تایبه‌ت به‌ كولتور مه‌گه‌زین – بیروڕاكانی بابه‌ت و ڕێنوس خاڵبه‌ندی تایبه‌ته‌ به‌نوسه‌ر خۆی. كولتور مه‌گه‌زین. ته‌نها دانانی لینكی بابه‌ت ڕێگه‌پێدراوه‌. هه‌موو په‌ره‌گرافێك و پۆستكردنێك بێ دانانی لینك و ناوی نوسه‌ر و گۆڤاره‌كه‌ دژی یاسای كۆپی ڕایته‌ و لێپێچینه‌وه‌ی یاسایی له‌ دوایه‌. ‌