شیعر و دەمانچەی ئاوی

بیره‌وه‌ری: شیعر و دەمانچەی ئاوی

سه‌باح ڕه‌نجده‌ر

 

 

 

 

دوای وەستانی شەڕی ناوخۆ، كوردستان دابەش بوو بەسەر دوو دەڤەر و دوو دەسەڵاتدا. لە هەر بۆنەیەكیاندائەدیبەكانیان داوەت دەكرد و دەبوون بە كوڕی نازدار و ڕێزلێگیراوی بۆنەكان. ئەم داوەتكردنە وەك ڕێزگرتنێكیبەخششی ئەدەبی نەبوو، بەڵكو دەسەڵاتەكان وەك مەرامی تایبەتی و خۆدەرخستنێك و جۆرێك تاكتیك، ئەو مەرحەبا وخوانەیان بە ئەدیبەكان ڕەوا دەبینی. بۆ ئەدیبەكانیش جۆرێك ڕێكەوتی تاسەشكێن و ناوازە بوو، یەكتریان تێدا دەبینی وئاگاداری بەرهەمی یەكتری دەبوون. بەرهەمی تازەی خۆشیان پێشكێش بەیەكتری دەكرد، پەیوەندییەك بەرجەستە دەبوو،پەیوەندیی ئەدەبی. ئا ئەوكات، تا ڕادەیەكی زۆر شارەكان هاتوچۆكردنیان تێدا قەدەغەبوو.

 

 

 

لە بۆنەی پەنجا ساڵەی دامەزراندنی: (پارتی دیموكراتی كوردستان)دا، كە لە ساڵی 1996 لە مەسیف بەڕێوەچوو،ئەدیبەكانی هەولێر و سلێمانی و كەركووك و دهۆك، زۆربەیان داوەتی ئەم بۆنەیە كرابوون. ئەوكات هەولێر لەژێردەسەڵاتی: (یەكێتی نیشتیمانی كوردستان)دا بوو، ئێمە كۆمەڵێك ئەدیب بووین بانگهێشتی ئەم بۆنەیە كرابووین. گوتیاندەبێ بچنە دەزگای… (ناوەكەیم لەبیر نەماوە)، بەڵام لە شوێنی پارێزگای كۆنی هەولێر و قایمقامیەتی ئێستا بوو،پسووڵەی ڕێپێدانتان پێ بێت، ئینجا بازگە ڕێگاتان پێدەدا بچن، یان نا. بەو پێیەی: (محەمەد موكری) هەم هاوڕێمان بوو،هەم ئەدیبێكی سەدا سەد یەكێتی بوو، لەناو حیزبەكەیدا گوێی لێڕادەگیرا. داوامان لێی كرد كارئاسانییەكمان بۆ بكات. ئێمە: (عەبدوڵڵا سەڕاج، كەمال غەمبار، خاڵە حەمرین، بۆتان جەلال، سامان دزەیی، ئەحمەد حەیران و من). وابزانم: (جەلیلكاكەوەیس)یشمان لەگەڵدابوو، یەكمان گرت و چووین بۆ ئەو دەزگایەی بۆیان دەستنیشان كردبووین و سڵاوی محەمەدموكریشمان پێبوو، كە چووینە ژوورەوە كارەبای ژوورەكەیان بڕی، بۆ ئەوەی گەرما هەراسانمان بكات: (ئەحمەد حەیرانو سامان دزەیی) لە پێش پرسگەی دەزگاكەدا دڵیان خورپەی كرد و بێ ئەوەی قسەیەك لەگەڵ ئێمەدا بكەن، كە پێكەوەهاتووین و چ ئەركێكمان بەسەر یەكترەوەیە، بە خشكە ئێمەیان جێ هێشت و گەڕانەوە، كە ئێمە بە دڵشكاوی ودەموچاوێكی تووڕەوە هاتینە دەرەوە لە نزیك دیواربەندی: (گیو موكریانی) چاودێری ئێمەیان دەكرد، ئەگەر ڕێگامان درالەگەڵمان بێن، ئەگەر ڕێگاشمان نەدرا ئەو ساغ و سەلامەت. نە ئاو شێلوو بووە، نە بەفریش شوێن پێیەكی لەسەردا جێماوە. ئەنجام بەرپرسەكە، كە شانی پڕ ئەستێرەی تاریك بوو، ڕێگای پێ نەداین، (كەمال غەمبار) بوێرانە و لۆژیكانە ولەجێی خۆیدا قسەی بۆ بەرپرسەكە كرد و ئەم جۆرە كردەوانەی بە داپڵۆسین و دیكتاتۆریەت و هەڵەشەی هەرزەكارانەلە قەڵەم دا، بەرپرسەكە بەشێوەیەكی ناشایستە وەك ئەوەی هەڵسوكەوت لەگەڵ كۆمەڵێك دەستگێڕی ناو بازاڕ بكات، كەسەرپێچییەكیان كردبێت، ئێمەی بەڕێ كرد. ئەنجام ئەوانی تریش گەڕانەوە و پەرتەیان لێ كرد. كەمال غەمبارم وەكپیاوە گەورەكانی ناو مێژوو، لە خاڵی هەڵوێستدا بینی، وەك مەیدانخوازییەك ڕووی تێ كردم و گوتی: سەركێشیشاعیریەتی لێرەوە دەردەكەوێت، واتە: مەیموون لە هەڵوێستدا بوو بە مرۆڤ. منیش بێ دوودڵی بڕیارم دا بچم و گوتم: چی دەبێت با ببێت، ئەگەر باجی سەریش بێت. لەم ڕووداوەدا لە پاڵ توانای ئەدەبی، ئەوەم بۆ دەركەوت، كەمال غەمبارپیاوی هەڵوێست و ئەدیبێكی بە جەرگ و چاونەترس و واقیعییە و خاوەن قسەی خۆیەتی. ئیدی لەم چركەساتە بەدواوەبووە جێگای هەموو بڕوایەكی من و برا و پشت و پەنام، باشیش لە بیركردنەوەی خۆمان گەیشتم و دەبێت كەسایەتیئەدەبیمان بەسەر هەموو ئاستەنگێكدا سەر بخەین و گەشەی پێبدەین.

 

 

 

چووینە گەراج و قەمەرەیەكی تایبەتمان گرت. لە بازگەی: (هەولێر – مەسیف)دا ڕێگایان لێگرتین و ئێمەیان گەڕاندەوە. برادەرێكی نزیكی خۆمم لە بازگەكەدا بینی، كە زۆر هۆگری شیعرەكانی من بوو، بەتایبەتی بە دوو شیعرم: (چنگەڕنێیسیپان و هەناسەی شاخ)، كە لە ژمارە (2)ی بڵاوكراوەی (ئاسۆس)، گەلاوێژی 1984دا، بڵاوكراوەتەوە. شیعری: (دابارین)، لە ژمارە (43)ی گۆڤاری (كاروان)، نیسانی 1986دا، بڵاوكراوەتەوە. لە یادی بۆردومانی دە ساڵەی قەڵادزێدانووسیومە. ئەو برادەرەم شانۆكار و قوتابی كۆلێژی كارگێڕی و ئابووری بوو، ناوی (موحسین) بوو، شانۆ و كۆلێژیبەجێ هێشتبوو ببووە چەكدار، شەڕی ناوخۆی دەكرد. بەداخەوە هەر لە هەمان بازگەدا بە تۆپی دوورهاوێژ بووەقوربانی. بەمنی گوت: ئەگەر بە تەنیا دەچیت ڕێگات دەدەم. منیش پیاوەتییەكەم ڕەت كردەوە و پێمگوت: (ئێوە لەخەسڵەتی ڕۆشنبیری داماڵدراون). ئەم وەك بەرپرسەكەی تر هیچ قسەیەكی نابەجێی نەكرد. تەنیا گوتی: لە نیازی خۆتەوەتەماشای خەڵكی دیكە مەكە، ئەدیبەكانیش بەشێكیان سیاسەت دەكەن، منیش زۆر بە ڕاشكاوانە گوتم: من حەز لە هونەریسیاسەت ناكەم و ببڕای ببڕیش وەك پراكتیك بەلایەوە ناچم، بەڵام هەوڵدەدەم جیهانبینیی سیاسیم هەبێت، داهێنانهونەری ڕۆحە، شیعریش ڕۆحی هونەر و مرۆڤە. من حەز لە هونەری شیعر دەكەم و تا ماوم خزمەتكاریم، بەڵامبەڕووی دەسەڵاتی ڕۆشنبیریی ڕەسمی هەڵدەشاخێم و نابووتی دەكەم. خوێندەوارێكی وردی ئەدەبیات بوو، بە تایبەتیئەدەبی بارگاویكراو بە سیاسەت و هەڵچوونی شۆڕشگێڕانە. بەمنی دەگوت: تۆ نەگەشبینی، نەڕەشبینی. منیش دەمگوت: نەگەشبینم، نەڕەشبینم. شیعری من لە پەراوێزی هەردووكیاندا بەڕێوەدەچێت، ئێستاش چەند كتێبێكم، هەردوو بەرگی: (داغستانی من)ی ڕەسووڵ هەمزەتۆڤ. وەرگێڕانی لە ئینگلیزییەوە: (عەزیز گەردی) و دوو ڕۆمانی: (حسام بەرزنجی)، 1 – زەلیل. 2 – كانگای بەڵا و ڕۆمانی: (دایك)ی مەكسیم گۆركی. وەرگێڕانی لە فارسییەوە: (كەریمی حسامی) لەكتێبخانەكەیدا مایەوە. ئەو برادەرەم لە ڕێگای شاعیر: (قادر ئیبراهیم مینە)وە ناسی، كە خاوەنی بەهرە و توانایەكیشاراوە بوو، بەداخەوە مەكینەی زاڵمی سیاسەت قادری هاڕی، ئێستا هیچ توانایەكی شیعری تێدا نەماوە، (بەداخەوە). نەچووە بچێت، جارێكی تر ناولەپی خۆی بۆن بكاتەوە و كۆمەڵێك ئەستێرەی تر هەڵداتە ئاسمان.

ئەوەی وەك بیرەوەری لام مایەوە هەر لە گەراج پارەی شوفێرەكەمان دا، كە بە مشتومڕی ئێمە و بازگەی زانی،جوامێرانە ئێمەی هەریەك هێنایەوە پێش ماڵی خۆمان و پارەكەشی بۆ گەڕاندینەوە.

 

 

 

لەوكاتە كورتەی لەگەڵیدا بووین، كاسێتێكی: (حەسەن گەرمیانی) خستبووە سەر موسەجیلەكەی، لەناو دەنگ و ئاواز وئەدای گۆرانی (كەمەرە شل)دا نقووم ببووم، كە هاتمە خوارەوە سوپاسیم كرد. كاسێتەكەی وەك دیاری پێ بەخشیم،هەوڵم دا لێی وەرنەگرم. گوتی: بازگە دڵی ئێوەی شكاند، تۆش دڵی من مەشكێنە، حەسەن گەرمیانی گۆرانیبێژێكە فۆلكلۆربە ڕەسەنایەتی فۆلكلۆر دەڵێتەوە و دەگمەنە، لەخۆوە دروست نەبووە. بێ ئەوەی دەسەڵاتێك، یان تیپێكی مۆسیقی، یانكەسێك بەرزی بكاتەوە، بۆ خۆی دەفڕێت و ئاسمانێكە بۆ ئەوەی خەڵكانی تریشی تێدا بفڕێت. لەم بۆنەیەدا بەشێك لەئەدیبان گەیشتبوون و گۆڤاری تێڕامانیان بەسەردا دابەش كرابوو، لە دانیشتنی ناوخۆیاندا گفتوگۆیەك لەبارەی شیعرێكیمن و شیعرێكی: (حەسیب قەرەداخی) لە نێوان: (قەرەداخی و حەمە كەریم عارف) دروست دەبێت، كە لە ژمارە (1)یگۆڤاری (تێڕامان – ڕامان)، تەممووزی 1996دا، بڵاوكراونەتەوە. شیعرەكەی ئەو بە ناونیشانی: (فەجری عەشق) وشیعرەكەی منیش بە ناونیشانی: (دروودی ئاوێنە).

 

 

(حەمە كەریم عارف) لە گفتوگۆكەیدا بەراوردێك لە نێوان هەردوو شیعرەكەدا دەكات. قەرەداخیش دەماری دەگیرێ وبەراوردكردنەكەی پێ قبووڵ ناكرێت. هەڵزەقینەوەی لا دروست دەبێت. وەك: (فەیسەڵ دێهاتی) بۆی گێڕامەوە تانەیەكیڕاست و چەپیش لە ئەزموونی من و تەواوی لاوان دەدات. لەكاتی گفتوگۆ و هەمان دانیشتندا: (محەمەد عومەر عوسمان) داوا لە: (ع. ح. ب) دەكات گفتوگۆیەكی ئەدەبی بۆ گۆڤاری ڕامان، لەگەڵدا ئەنجام بدات. قەرەداخیش بە: (ع. ح. ب) دەڵێت: (بە تەمومژ و سەرلێشێوان ئاماژە بە شیعرەكەی سەباح بدە). ئەویش لایەنگری بۆچوونەكەی دەبێت و داواكەی بەجێدەهێنێت. چاوپێكەوتنەكە لە ژمارە (3)ی گۆڤاری ڕامان، 5ی ئەیلوولی 1996دا، بڵاوكراوەتەوە و تێیدا دەڵێت: (شیعرێكمن تێینەگەم بە شیعری دانانێم. ئێستە هەر لە ژمارەیەكی ڕاماندا شیعرێكی: (سەباح ڕەنجدەر)م بەرچاوكەوت. لەوانەیەهەیە بڵێ ئەمە چاكترین شیعرە، بەڵام ئەو تەمومژە من لێی تێناگەم، بە مەرجێ ساڵەهای ساڵە شیعر دەنووسم ودەخوێنمەوە.)

یەك لە ئامادەبووان: (عەبدوڵڵا تاهیر بەرزنجی)، كە ڕەخنەگرێكی خاوەن میتۆدە، بەم هەڵسوكەوتە دڵتوند دەبێت و لەخەسڵەتی ڕۆشنبیری دایدەماڵێت، پاش ئەوەی ڕووبەڕوو سەركۆنەی ئەم داوا و بەڵێیەی هەردووكیان دەكات، پێیڕاگەیاندم: ع. ح. ب هیچ بەرهەمی تۆی نەخوێندووەتەوە، بگرە هەر ناویشتی بەرچاو نەكەوتووە. ئەم لەخانەی ئەدەبدەرچوونەی پێی كراوە، وەك هەڵوێستی داكۆكی و هەڵزەقینەوە و كاردانەوە و دژە دیاردەیەك بوو، بەرانبەربەراوردكردن و گفتوگۆیەكە. بۆچوونی جیاواز و جۆراوجۆر پەیوەندی بە ڕایەڵ و تانوپۆی شیعرەكە، خۆیەوە هەیە. بواردەڕەخسێنێ بۆ لێكدانەوە و بەراوردی جیا جیا.

 

 

ماوەیەكی بەسەرچوو، لە ڕێكەوتی 16/6/1997دا، لە هەولێر لە هۆڵی میدیادا: (ع. ح. ب) میوانی بۆنەیەكی ئەدەبی بوو،(من و بۆتان جەلال و دانا عەلی سەعید) خۆمان پێی ناساند و وێنەمان لەگەڵدا گرت. ئێستا وێنەكە لە ئەلبوومی مندایە. وەك مەبەست لەگەڵی وەستام و گفتوگۆیەكی كورتمان لەبارەی ئەدەبدا كرد. وەك مەبەست و بە دیاریكراوی ئەوەملەگەڵدا باس كرد، تەمومژ پێداویستییەكی ئێستێتیكییە و هێزێكی خوڵقێنەرە، هیچ شیعرێكی نەمریش لە تەمومژ خاڵی نییە. ئەوەی تۆ مەبەستتە لێڵییە، لێڵیش لە بایەخی لێكدانەوەی داهێنەرانە دووركەوتووەتەوە. ماكی داهێنان نییە. بابەتیچاوپێكەوتنەكەیم هێنایە پێشەوە و گوتم: مامۆستا لەو چاوپێكەوتنەی لە گۆڤاری ڕاماندا بڵاوكراوەتەوە وەك شاعیرێكئاماژە بەمن دەدەیت، كەچی من چیرۆك دەنووسم، قەت شیعرم نەنووسیوە. ئەمیش تەزبیحێكی دەنك گەورەیبەدەستەوە بوو، بەدەم پەنجە جووڵاندنەوە ڕووی لەمن وەرگێڕا و بە قووڵایییەكی زۆرەوە گوتی: (ئەی بۆ وایان گوت).

لە ناوەرۆك و جەوهەری خۆیدا دانی پێدانا و لە ڕاستییەكە تەواو دڵنیابووم. منیش بۆچوونی خۆمم بە پاكی وڕاشكاوانە گوت و گوتم: ئەگەر ئەدەبت باش ناسیبێت، چۆن دەتوانیت مەودایەك وەربگری و بۆچوونێكی جەڵەبی لەمشێوەیە دەرببڕیت. دڵم ئێشاند. (گیانی گیانان: داوای بووردن لەم دڵئێشانە و هەموو دڵئێشانەكان دەكەم.)

 

 

ماوەی چەند ساڵێكی بەسەرداچوو لە هەمان گۆڤاردا: (ئازاد عەبدولواحید) چاوپێكەوتنێكی دیكەی لە ژمارە (33)، 5یئازاری 1999 لەگەڵدا ئەنجام داوە، لەوێدا دەڵێت: (لە هەولێر (كەریم دەشتی) دەبینم شتی جوانی هەیە، (سەباح ڕەنجدەر) شتی باش دەنووسێ).

ئەی شیعر: چیایەكی چەند هەستی و چەندیش بەر گوللەی كوێر و دەمانچەی ئاوی دراوی. ڕەنگە ڕەخنەگرێك، یانخوێنەرێك وەك شاعیرێكی بە ئەزموون، كە نیو سەدەیە شیعر دەنووسێت، گوێی لێ بگرێت. ڕەنگیشە لە چاوپێكەوتنیدووەمیشیدا منی نەخوێندبێتەوە و بەرهەمی نەناسیبم. تەنیا بۆ پاساودانەوەی بۆچوونی یەكەمی، بۆچوونی دووەمیدابێت، لەبەرئەوەی من بەهەڵەبردنەكەیم زانیوە.

نەناسین و بۆچوون لەبارەی یەكتری دان، مەیدانی كوشتنی یەكترییە. لە كاتێكدا ئەم خاڵە لە ژیانی ئەدەبیی خۆمدەهێنمەوە یاد و ئەوەش دەزانم. ئەو وردە بیرەوەرییانە پەناگەی ڕۆحن و خۆتی تێدا دەبینیت، چۆن ڕۆیشتووی وچۆنیش دانیشتووی. چۆنیش خۆت لە ماوەكاندا دەناسیتەوە. هەقیقەتی ماوەكان چی بوونە بۆ گەشەی ڕۆحیت و خۆلادانلە زمانی دەستەمۆ. بە دیاریكراوی مەبەستمە ئەوە بپرسم: دەبێ هۆی چی بێت كەسێك بچێتە ژێر كاریگەری بۆچوونیكەسێكی دی و خاوەنی پێوەری خۆی نەبێت، یان پێوەر ونكردن چ بارودۆخێكی خنكێنەرە بۆ بۆچوون.

 

 

كە پێویستی ئەم نووسینە خرۆشاندمی، بۆ باش ناسینی، تەواوی دیوانەكەیم خوێندەوە، كە ساڵی 2013 بەڕێوەبەرێتیچاپ و بڵاوكردنەوەی سلێمانی لە 850 لاپەڕەی قەوارە گەورەدا چاپی كردووە.

شاعیرێكی زۆر ئاسایییە، بە زمانێكی میللی نووسیویەتی، لە ڕووی شێوازی نووسینیش سادە و خاوە. لە شاعیرانینەوەی خۆی وەك: دیلان، كامەران موكری، هەردی، كاكەی فەلاح … تاد، لە هەموویان ناكارا و بێكاریگەرترە. قووڵاییبیركردنەوەی كەم تێدایە و تەنكە، ئەگەر لە هەندێك دێڕ و كۆپلەشدا قووڵایی بیركردنەوەشی تێدابێت، كەم لەناوبیركردنەوەكەیدا دەمێنێتەوە و نایگەیەنێتە باری تێڕامان و خۆبینییەكی داهێنەرانە، بەجێی دەهێڵێت.

 

 

سەرەتای شیعری: (شەو)ی خاڵێكی ئێستێتیكییە بۆ بەیەكگەیشتنی شیعر و مرۆڤ و دۆخی ئێستێتیكی مرۆڤ لەناوشیعردا، بەڵام لە ناوەڕاستیدا سیاسەت دەهێنێتە ناوە و هەستە ئێستێتیكییەكە لەناو دەبات و دەبێتە (مانا و گواستنەوە)،ئەمەش جۆرێكە لە ناشارەزایی ئێستێتیكای ئەدەبیدا. لە ئەدەبی ئێستێتیكیدا زمان تەنیا مانایە، گواستنەوە نییە.

 

فریشتەی خەم سەری سوڕماوە ئەمشەو

ئەوەندەی خەم بەم و بەو داوە ئەمشەو

لەبەر لێشاوی تیپی مەینەتیدا

سوپاسی خۆشی شكستی داوە ئەمشەو

 

 

من بەو زمانە دەنووسم، كە پێی دەگریێم، لە ڕێگای هەست و هەناسەی قووڵی زمان و (پەرتاو – شەتەحات)یسۆفییانەوەش نەكەوتمە ژێر كاریگەریی باوخوازی بەشێك لە شیعری كوردییەوە، جیاوازم لە: (ئامانج) و (ئێستێتیكا) و(ئاراستە)دا، شیعری ئاوێتە: جیاوازە لە شیعری قوڕگ. شیعری ئاوێتە پەیوەندییەكی داهێنەرانە لە نێوان زەینی (خوێنەر) و زەینی (نووسەر) دروست دەكات، كەواتە: شێواز و بیركردنەوەم لە نموونە باوخوازەكەی شیعری كوردییەوە نییە. بۆیەپرسی تێنەگەیشتن و تێگەیشتن. ویست و داوایەكە لە شێوازی باوخوازدا. پەیوەندی بە چێژەوە نییە. چێژ، خۆشی لە بەئاكام گەیشتن وەردەگرێت. ئەوەندەی پەیوەندی بە (پێكهاتەی نوێ) و (بوون) و (چییەتی)یەوەیە، پێكهاتەی نوێ و بوونو چییەتی، خۆیان ناوەند و تەوەرێكن و بەرەو قووڵاییت دەبەن و لە ناخەوە هەوڵدەدەن دیدی باوخواز و گوێی باوخوازبگۆڕن و ئاگایییەكی ئەندازەییت بدەنێ، كە چۆن مامەڵە لەگەڵ بارودۆخی ئەم پێكهاتە نوێیە و بوون و چیەتییەوە بكەیت،ڕوانینی بابەت و هێزی جیاوازی دەق لە ڕێگای سۆسەی ڕۆحی زمانەوە ببینیت.

 

پووشكین فەرموویەتی:

 

ئەگەر ژین درۆی لەگەڵدا كردی

خەفەت مەچێژە و دڵت نەڕەنجێ.

لەڕۆژی ڕەشا. باوەڕت وابێ،

كە هێندە نابا خەونت دێتەجێ.

* * *

دڵ بۆ دواڕۆژ لێدەدا.

ئێستای مرۆڤ خەم و ژانە.

هه‌رچی هەیە ڕادەبوورێ

ڕابردووش هەمیشە جوانە!

پاشكۆی عێراق: ژمارە (45)، ئه‌یلوول و تشرینی یەكەمی 1981 ل:16

 

 

هێزی نزا لەم شیعرە وەردەگرم و ئەم داوایە لە هێزی نادیار و هەبوونی ڕاستەقینە دەكەم، ئەوەی وەك دوژمنیشهەڵسوكەوتی لەگەڵدا كردووم من لێی دەبوورم و لەگەڵیدا دەچمە ناو سێبەر و هەتاوی سروشت و بەخششی هێزینادیار و هەبوونی ڕاستەقینە. لەگەڵ هێزی ڕووخێنەری ئەدەبیشدا ناجەنگم، چونكە ئەو بڕوایەم هەیە داهێنەر دەكوژرێت،بەڵام ناڕووخێندرێت. جەنگی ئەوی دی سەبارەت بە داهێنەر، جەنگ نییە. قەواڵەی بەتاڵە.

 

 

هەموومان دەڕۆین، تەنیا ژیان بە زیندوویی دەمێنێتەوە، پاش مردنمان ژیان. بە وردی، زۆر بە وردی دەمانبینێت وپارسەنگمان دادەنێت. سەرەتا ئەم بۆچوونەم لە: (ع. ح. ب)دا خوێندەوە، سنوورە فراوانەكانم لا بچووك بوونەوە. هەستمبە غەدرێك كرد، وامزانی دەستم لێ بەرزكراوەتەوە بۆ لێدان، بەڵام ئێستا، بیست ساڵی بەسەردا تێپەڕیوە. نۆزدە ساڵیشبەسەر كۆچی دوایی: (حەسیب قەرەداخی)، شازدە ساڵیش بەسەر كۆچی دوایی: (ع. ح. ب)، تاسەی ئەوە دەكەم، وەكچۆن دەست و دڵت دەكەیت بە چەترێك و بەسەری دڵشكاوێكدا هەڵیدەدەیت، هەم خۆت و هەم دڵشكاوەكە دەچنە ناوسێبەر و هەتاوی سروشت و بەخششی هێزی نادیار و هەبوونی ڕاستەقینە. هەزار جار لەوە زیاتر، تاسە لە هەمووهەستەكانم پلدەدا، بەم درەنگی شەوە، ساتەوەختی ئەم نووسینە، بچم دەست بەسەر كێلەكانیان دابهێنم و بە خۆڵیگۆڕەكانیان تەیەمومێك بەجێ بهێنم و شەونوێژێك بكەم. نوێژی شیعر و ئەوپەڕی داهێنان. ئەی هێزی نادیار و هەبوونیڕاستەقینە، بمگەیەنە ئەو بارەی داوای دەكەم.

 

حوزەیرانی 2016 هەولێر