هونەر لە بازنەدا

سفر- هونەر – گفتوگۆی ئاڤان عومەر لەگەڵ هونەرمەند پۆشیا کاکل

پڕۆژەی سفر - هونەر - گفتوگۆیەک لە نێوان ئاڤان عمر و هونەرمەند پۆشیا کاکل
468
ئاڤان عومەر – هونەرمەندی شێوەکار

هونەر لەبازنەدا

پڕۆژەی سفر- هونەر

گفتوگۆی ئاڤان عومەر  لەگەڵ پۆشیا کاکل

گفتوگۆ لەمەڕ ئەزموونی هونەری پۆشیا بەتایبەتی، و هونەری هاوچەرخ بەگشتی. پۆشیا دەڵێت؛ چیرۆک و وشەکانی زۆرترن لە هيڵ و ڕەنگەکان.

فەرموون لەگەڵ هەندێک هێڵی سەرەکی گفتوگۆکە:

 

– ئاسان نەبوو بۆ هونەرمەندی شێوەکار کە بە میدیەمی جیاواز کاربکات لە هەولێر و کوردستان بەگشتی، وەک؛ پیرفورمانس و ئینستەلەیشن…هتد. تەنانەت لە ناوەڕاستی ساڵانی دووهەزارەکانیشدا، کەم هونەرمەند و خەڵک هەبوون پشگیری کارێکی لەوجۆرە بکەن و قبوڵی بکەن.

 

Read More

– هونەر و ئەوبابەتانەی کە لە ناو خەڵکەوە سەرچاوەی گرتووە، گرنگە کە لە ناو خەڵکەکە خۆی و شوێنی گشتی نمایشبکرێت تاوەکو لە گەلەری و هۆڵی نمایشەکان. بۆ هیچ نا، تەنها لە پێناو  ئەوەی  گفتوگۆ و پرسیاری ڕاستەوخۆ دروست بکات لە ناو کۆمەڵگە، و کاریگەری هەبێت. دەشێت کاریگەری  هونەر خاو بێت بەڵام زۆر بۆ دوور مەودا کاریگەریەکان گرنگی خۆیان دەبێت.

 

-جەستە میدیەمێکی زیندوو بە هێزە  لە  کاری هونەری شێوەکاریدا، هونەرمەند دەتوانێت لە ڕێگەی جەستەوە پەیوەندی  ڕاستەوخۆ دروستبکات لەگەڵ بینەردا. لە ڕێگای جەستەوە هونەرمەند دەربارەی جەستە و پێگە و سنورو بەکاربەریی جەستە لە کایە جیاوازەکاندا، دەتوانيت زۆر کاریگەرانە پرسیار بهاروژێنێت و ڕەخنە بگرێت لە نۆرمە باوەکان.

 

-جەستەی مێینە لە وڵاتی ئێمەدا جەستەی خۆت نییە، جەستەی خانەوادەکەتە، هی کۆمەڵگە و ئاین و خێڵ و بنەماڵەکەتە. هەربۆیە لەکاری هونەری هاوچەرخدا جەستە گرنگە، بەوەی؛ جەستە دەبێتە ماتریاڵێک یا کانڤانسێک  بۆ کاری هونەری، و کاریگەریەکانی لە کۆنتێکستە کۆمەڵایەتی و نۆرمەکاندا دەردەکەوێت کە دەیەوێت ڕەخنەی لێ بگرێت یاخود بیخاتە ڕوو. ڕاستە لێرەدا هونەرمەندی ژن بەمجۆرە جەستەی خۆی دەکاتەوە بە ئۆبجێکێتێک، بەڵام لە کۆنسێپتێکی سۆبێکتیڤانەوە ئەمە دەکات، بەوەی جەستەی ئۆبجێکێتێکە بۆ  بەهایەکی نوێی سەبجێکت  (خود یان سوژە).  لێرەوە جەستە هەم سوبێکتە و هەم ئۆبجێکتە.

 

– نیشاندانەوەی ئەو ستیرۆتایپە یا وێنە چەسپاوەی ژنی ڕۆژهەڵاتی لە بونیادی بیرکردنەوەی ڕۆژئاوایدا وێنەیەکە لەپشتیەوە کولتورێکی باوی کۆلۆنیالی و ڕۆژهەڵاتناسی لەپشتیەوە وەستاوە. لێرەوە هونەرمەندی ڕۆژهەڵاتی و بەتایبەت هونەرمەندی ژن لەگەڵ ئەم وێنە گشتیە دەکەوێتە ململانێیەوە. بەدیوێکی تردا  کارکردن لەسەر ئەو  ناهاوسەنگیەی لە نێوان ڕەگەزەکاندا هەیە لە کوردستان  و پيگەی ژن بابەتيکی گرنگە و ئەمەش ئەرکێکی دیکەی گرنگە، دەبێت دەست وپەنجەی لەگەڵ نەرم بکەین.

فەرموون لەگەڵ گفتوگۆکە لە کەناڵی یوتوبی (کولتور مەگەزین – کەڵچەر پرۆجێکت)

 

 

 

 

تایبه‌ت به‌ كولتور مه‌گه‌زین – بیروڕاكانی بابه‌ت و ڕێنوس خاڵبه‌ندی تایبه‌ته‌ به‌نوسه‌ر خۆی. كولتور مه‌گه‌زین. ته‌نها دانانی لینكی بابه‌ت ڕێگه‌پێدراوه‌. هه‌موو په‌ره‌گرافێك و پۆستكردنێك بێ دانانی لینك و ناوی نوسه‌ر و گۆڤاره‌كه‌ دژی یاسای كۆپی ڕایته‌ و لێپێچینه‌وه‌ی یاسایی له‌ دوایه‌. ‌

You might also like More from author

error: Content is protected !!