-1-
Vê şevê
Kolanên welatê rojê
Miştî mirine Ax û xûn kevalekin ji (ba) yî
(Ew (ba
firreke ji dozexeke ebedî
Her ji ezel de, ruh
pênasek bû ji erdhejeka sermedî
Vê şevê Zemîn
Ji kelexên derizî pirrbûye
Şev dakefte semayeke lerzok
Goristan pirrbûn
Ji windabûnê
Li qapiya bajar
Leşê şevê kelaştin
!Henaseya (ba)yî çik ma
Û hêvî ber bi kinarê
Mirneke sermedî ketin meşê
Erê ketin meşa windabûnê
Vê şevê
,Wellatek ji qîjî-yan
Sinûrek ji gorrên bi kom
Û
Parzemînek
Ji bêhna mirnê, Afirîn
Qîjiyên zarokan
Zemîn şeq kir û
!Gerdûn li XAÇ dan
-2-
Vê şevê
Leşê gerdûnê pirtikandin
Zarokan li ser kifnê wê
çiyayên asê dirrandin
Vê şevê
Lehî
Di henasa (ba)yî re çû xwar
Pêlên wê
!Di gerdena gerdûnê da Fetisîn
Bêhna kelexan
Zemîn erdnîgarkir û
her çipkek
Ji hêstirên zarokan
Hezar parzemîn serjêkirin
Erê serjêkirin
“Sekarê aware ‘2016’ şarya”
Helbestvan: Sekar Kamil