پەیوەندی نێوان دەرەبەگ – مسكێن (ڕەش و ڕووت)

400

خۆجیاكردنەوە/ خۆ بەرهەمهێنانەوە/ هەیمەنە/ بەكارخستنی سەرمایەی نا-ماتریاڵی….

بەگزادەیەك، دەرەبەگێك چی لە ڕەش و ڕووتێك تێدەگات؟، ئەمە لە كاتێكدا ڕەش و ڕوت و هەژاریی تیاژیان و لە گەڵ ژیانە. دەرە بەگێك دەیەوێت لە ڕێگەی ڕەش و ڕوتەوە چی بێژێت و، چی دووبارەو سەدبارە بكاتەوە؟ ئاغایەك، دەرەبەگێك نە برسێتی بینیبێت، نە تینێتی، نە گەرماو نە سەرما، نە ترس و لەرزی كوڵبەرێك، دەیەوێت چی بڵێت؟

خه‌سره‌و جاف وه‌ك سه‌رمایه‌دارێكی نێو ده‌سه‌ڵات په‌یكه‌ری كۆڵبه‌ر له‌كه‌لار شیعر باران ده‌كات

”لێرەدا بە هیچ شێوەیەك خەم و بە تەنگەوە هاتنێك نییە بۆ ڕەش و ڕووت، بەڵكو دووپاتكردنەوەی هێشتنەوە و بەردەوامیدان و جەختكردنەوەیە لە هەژارێك، ژێستێكی نمایشی ئاغاو دەرەبەگێكە لە فۆرمی هاوسۆزیدا بۆ هێشتنەوەی مسكێنێك بۆ هەمیشە، منیش وەك ئاغایەك بۆ هەمیشە.

بۆ ئەوەی من وەك دەرەبەگێك بمێنمەوە، پێویستە تۆ وەك مسكێنێك بمێنیتەوە، سنورو تخووبەكان تێكەڵ نەبن، لەم پێناوەشدا من هاوكاریت دەكەم وەك كۆیلەیەك بەشدار بیت لە جیهاندا، ئەم پەیكەرەوش پێداگیری و بەرهەمهێنانەوەیەكی ڕەمزی- كولتورییە لەپێناوی تۆو دانپێدانانت بە ئێمەدا.  دانپێدانانی ئێمەی دەرەبەگ و ئاغا بە مانەوەی ئێوەدا ئەگەر چی لە سەر ئاستێكی ڕەمزیش بێت.

ئەوە ئێوەن من و ڕەوایەتی و چیرۆك و حیكایەتی منتان ڕاگرتووە، دەبێت منیش ئێوە ڕاگرم، ناهێڵین ئاواببن. دەبێت هەیمەنە بە فۆرمی جیاواز خۆی درێژ بكاتەوەو، سەرمایەی فەرهەنگی، كولتوریی، زانكۆیی، كۆمەڵایەتی، ئابووری و هونەریش لەو پێناوەشدا بەكار دەخەین…..”

بەمشێوەیەو لێرەدا: پییەر بوردیۆ باشتر لە ماركس دەیپێكێت

په‌یكه‌ری كۆڵبه‌ر – كه‌لار  – په‌یكه‌رێكی نا هونه‌ری ده‌ره‌به‌گێكی جاف – له‌شیعره‌كه‌یدا  كۆڵبه‌ر به‌ هێستر و گاجووت ده‌چووێنێت.
تایبه‌ت به‌كولتور مه‌گه‌زین
                       له‌واڵی تایبه‌تی   فه‌یسبوكی  نوسه‌ره‌وه‌  وه‌رگیراوه‌

You might also like More from author

Comments are closed.

error: Content is protected !!